НИШАСТИ МАТБУОТӢ. Соли 2023 табибони тоҷик ба самти ташхис 6 ва ба самти табобат 68 навоварӣ ворид намуданд
ДУШАНБЕ, 12.02.2024. /АМИТ «Ховар»/. Соли 2023 табибони тоҷик ба самти ташхис 6 ва ба самти табобат 68 навоварӣ ворид намуданд. Аз ҷумла, гузоштани адасаи дохилии чашм, вискоэластикаи когензивӣ ҳангоми ҷарроҳии чашмпардаи оризавӣ, истеҳсоли чашми сунъии сулбиявии девораш тунук амалӣ гардид. Дар ин хусус имрӯз зимни нишасти матбуотӣ Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба хабарнигорон иттилоъ дод.
«Аз ҷумлаи навовариҳои соҳаи тандрустӣ- ин гемитиреоидэктомия, буриши метаболикии дастакмонанди меъда, бо бемории чурраҳои сурохии сурхнои ҳаҷоб гузоштани тӯри композитӣ, гастропексияи эндоскопӣ, дар самти пайвандсозӣ (гирифтани вариди гунодалии донорҳои гурда барои истифода ҳамчун графт, нефроэктомияи лапроскопӣ, барои гирифтани ҳуҷайраҳои бунёдӣ (аз хуни периферӣ), плазмофорези каскадӣ, тромбоситофорез, усули нави ташхис ва табобати малформатсияи шараёнӣ-варидии лаб, лифтинги эндоскопии пешонӣ, барқарор намудани найчаи тухмгузар ҳангоми ҳомиладории найчавӣ, ҷорӣ намудани ташхиси сили ниҳони (Quantiferon-TEST) мебошад», -гуфт Вазири тандурустӣ ва ҳифзи иҷтимоӣ.
Ҳамзамон иттилоъ дода шуд, ки навоварии дигари табибони тоҷик- гузоштани стент ба ковокии трахея ҳангоми тангшавӣ (стеноз), тоза намудани гранулятсияҳои дохили трахея бо усули эндоскопӣ бо барқарорсозии ковокии трахея, гузаронидани ҷарроҳии трахеопластика, гузоштани клапани эндобронхиалӣ (бронхоблокатор) мебошад.
Ҳамзамон дар соҳаи тандурустӣ имплантатсияи кохлеарӣ, плазмоферези мембранӣ, бартараф намудани часпиши модарзоди ҳароммағз – тетринг синдром, тривентрикулостомияи эндоскопӣ ҳангоми гидросефалияи модарзодии окклюзиони дар кӯдакон, пӯшондани нуқсони устухони косахонаи сар бо усули 3Д пресс-форма, фенестратсияи девораҳои кистаҳои арахноидалии майнаи сар бо усули эндоскопӣ, ламинэктомияи мӯҳраҳои гардан бо реклинатсия кеҷгузорӣ ва мустаҳкамкунӣ аз пеш бо плейт, гирифтани омоси метастатикии мӯҳраи С6, гузоштани меши титанӣ ва мустаҳкамкунӣ бо плейт, вентрикуло-перитонеостомияи дутарафа бо истифодаи коннектори Y монанд, бо усули эндоскопӣ гирифтани кистаи келлоидии меъдачаи III амалӣ гардид.
Гуфта шуд, ки фаъолияти фароҳам овардани дастрасии бештари аҳолӣ ба ҷарроҳиҳои мураккаб ва гаронарзиш идома ёфта, соли 2023 дар 224 бемор амалиёти ҷарроҳии пайвандсозии узвҳо гузаронида шуд.
Зарангези ЛАТИФ,
АМИТ «Ховар»
АКС: АМИТ «Ховар»
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
Дурнамои ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин баррасӣ гардид
Шаҳри Душанбе сазовори Шоҳҷоизаи Фестивали ҷумҳуриявии «Сайри гули лола» гардид
Имрӯз ғолибони Фестивали гулҳо таҳти унвони «Сайри гули лола» ҳавасманд гардонида мешаванд
Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
