НИШАСТИ МАТБУОТӢ. Воридшавии сайёҳон ба Тоҷикистон аз 121 давлати ҷаҳон сабт шудааст

Февраль 12, 2024 11:30

ДУШАНБЕ, 12.02.2024 /АМИТ «Ховар»/. Соли 2023 шумораи умумии сайёҳони ба Ҷумҳурии Тоҷикистон ташриф оварда, 1 миллиону 358 ҳазор нафарро ташкил намуд. Дар ин хусус имрӯз Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод ба хабарнигорон иттилоъ дод.

Мавсуф ҳамзамон иброз намуд, ки аз ин шумора 1 миллиону 256 ҳазору 200 сайёҳ ё 92,5 фоиз ба давлатҳои Иттиҳоди Давлатҳои Мустақил ва 101 ҳазору 800 нафар ё 7,5 фоиз ба давлатҳои хориҷи дур рост меояд.

Аз шумораи умумии шаҳрвандони хориҷӣ, ки ба Ҷумҳурии Тоҷикистон омадаанд, 1 201 000 нафарашон сайёҳ арзёбӣ гардидаанд, ки нисбат ба ҳамин давраи соли 2022 201 ҳазор сайёҳ ё 20,2 фоиз зиёд мебошад.

Тибқи маълумот, воридшавии сайёҳон ба Тоҷикистон аз 121 давлати ҷаҳон сабт шудааст.

Соли 2023 дар маҷмуъ 306 субъекти хизматрасони сайёҳӣ фаъолият намуд, ки инҳо 190 меҳмонхона, 34 хостел ва мотел, 52 осоишгоҳ, 5 осоишгоҳи кӯдакона ва лагери солимгардонӣ, 8 маркази муолиҷавӣ ва дармонгоҳи солимгардонӣ, 10 хонаи истироҳатӣ, кемпинг, 4 базаи сайёҳӣ ва истироҳатӣ мебошанд.

Аз ин шумора дар шаҳри Душанбе 36 меҳмонхона, 9 хостел, мотел ва дигар намуди меҳмонхонаҳо бо иқтидори 1925 ҳуҷра ва 3720 кати хоб ба меҳмонони дохиливу хориҷӣ хизмат мерасонанд.

То 1 январи соли 2024 дар Тоҷикистон 224 ширкати сайёҳӣ дар асоси иҷозатномаи фаъолияти сайёҳии кумита фаъолият доранд, ки аз ин миқдор ба Вилояти Мухтори Кӯҳистони Бадахшон 41 ширкати сайёҳӣ, шаҳри Душанбе- 106 адад, вилояти Суғд- 45 адад, вилояти Хатлон- 17 адад ва ба шаҳру ноҳияҳои тобеи марказ 15 ширкат рост меояд.

София ШОИК,
АМИТ «Ховар»

АКС: АМИТ «Ховар»

Февраль 12, 2024 11:30

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Исломии Покистон Шаҳбоз Шариф барқияи табрикӣ ирсол намуданд
НАЗАРИ КОРШИНОС. Рушди ҳунармандӣ ба беҳтар шудани имконияти иҷтимоию иқтисодии оилаҳо мусоидат менамояд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Дар Душанбе дурнамои густариши ҳамкории тиҷоратӣ байни Тоҷикистон ва Эрон баррасӣ шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба Донишгоҳи давлатии фарҳанги Қазон фиристода шуданд
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
Доир ба ҳамкории иқтисодию тиҷоратии Тоҷикистон ва Арабистони Саудӣ ҷаласаи навбатии комиссияи муштарак баргузор мегардад
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад