ҶОМИ ОСИЁ-2023. Имрӯз дар бозии финалӣ Урдун ва Қатар рақобат менамоянд
ДУШАНБЕ, 10.02.2024 /АМИТ «Ховар»/. Имрӯз, 10 феврал дар Варзишгоҳи миллии шаҳри Лусаил (Қатар) соати 20:00 бо вақти Душанбе бозии финалии Ҷоми Осиё-2023 оид ба футбол байни дастаҳои мунтахаби Урдун ва Қатар баргузор мегардад, хабар медиҳад АМИТ «Ховар».
Бояд гуфт, ки дастаи мунтахаби Урдун дар гурӯҳи «D» бо касби 4 имтиёз мақоми сеюмро соҳиб шуда, ба плей-офф баромад. Дастаи мунтахаби Урдун дар ҳаштякфинал Ироқро бо ҳисоби 3:2, дар чорякфинал Тоҷикистонро бо ҳисоби 1:0 ва дар даври нимниҳоӣ Кореяи Ҷанубиро бо ҳисоби 2:0 мағлуб намуд.
Дастаи мунтахаби Қатар дар гурӯҳи «А» бо касби 9 имтиёз мақоми аввалро соҳиб шуда, ба плей-офф баромад. Дастаи мунтахаби Қатар дар ҳаштякфинал Фаластинро бо ҳисоби 2:1 ва дар чорякфинал Узбекистонро аз рӯйи зарбаҳои 11-метрӣ бо ҳисоби 3:2 (замони асосӣ ва изофа – 1:1) шикаст дод.
Ёдовар мешавем, ки аз рӯи натиҷагирии Ҷоми Осиё-2023 дастаи мунтахаби Тоҷикистон ба ҳаштгонаи беҳтарин дастаҳои мусобиқот шомил гардид.
Қобили тазаккур аст, ки дастаи мунтахаби Тоҷикистон бори аввал дар таърих дар қисми ниҳоии Ҷоми Осиё иштирок намуд ва ба даври чорякниҳоии мусобиқот роҳ ёфта, дар таърихи футболи тоҷик саҳифаҳои наву шоистаи таҳсин боз намуд.
АКС аз манбаъҳои боз
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
