ШАҲРВАНДОНИ КОМИЛҲУҚУҚ. Ба 1152 хатмкунандаи муассисаҳои таълимии ноҳияи Восеъ шиноснома дода шуд
ВОСЕЪ, 22.02.2024 АМИТ «Ховар»/. Соли 2024 ба 1 ҳазору 152 хатмкунандаи муассисаҳои таълимии ноҳияи Восеъ шиноснома дода шуд. Тавре сардори Хадамоти шиносномавию бақайдгирии шуъбаи Вазорати корҳои дохилӣ дар ноҳияи Восеъ Шуҳрат Пирзода ба хабарнигори минтақавии АМИТ «Ховар» Сулаймон Холзода иттилоъ дод, аз аввали соли равон 762 шаҳрванд шиносномаи хориҷӣ гирифтааст.
Шуҳрат Пирзода иброз дошт, ки масъулини Хадамоти шиносномавию бақайдгирӣ оид ба тартиби додани шиноснома ва истифодаи он байни хонандагони муассисаҳо вохӯрӣ гузаронида, хонандагонро даъват намуданд, ки ҳамчун шаҳрванди комилҳуқуқ неруи созандаашонро ба ободу зебо намудани ҷумҳурии соҳибистиқлоламон равона намоянд.
Масъулин вобаста ба Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», пешгирии ҳуқуқвайронкунии хонандагон, истифодаи телефонҳои мобилӣ, ворид нашудан ба маконҳои дилхушӣ ва толорҳои саққобозӣ суҳбат намуданд.
Масъулини Хадамоти шиносномавию бақайдгирии ноҳияи Восеъ тасмим гирифтаанд, ки дар ҳамаи ҷамоатҳои шаҳраку деҳоти ноҳия бо шаҳрвандон вохӯрӣ гузаронида, шиносномаҳоеро, ки муҳлаташон гузаштааст, бо шиносномаҳои нав иваз намоянд.
АКС: АМИТ «Ховар»
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
