РУШДИ САНОАТИ ДОРУСОЗӢ. Дар 3236 муассисаи фармасевтӣ 571 намуд доруворӣ ва молҳои тиббӣ истеҳсол шудааст
ДУШАНБЕ, 13.02.2024. /АМИТ «Ховар»/. Дар Тоҷикистон 3236 муассисаи фармасевтӣ фаъолият менамояд, ки нисбат ба ҳамин давраи соли гузашта 142 адад зиёд мебошад. Дар ин давра 61 корхонаи ватанӣ 571 намуд доруворӣ ва молҳои тиббӣ, ки дар умум 325 номгӯйро ташкил медиҳад, истеҳсол намудааст. Ин шумора нисбат ба соли 2022 — 6 корхона, 31 намуд доруворӣ ва 18 номгуй дору ва молҳои тиббӣ зиёд мебошад. Дар ин хусус Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода 12 феврал зимни нишасти матбуотӣ ба хабарнигорон хабар дод.
Дар нишасти хабарӣ изҳор гардид, ки ҳаҷми истеҳсоли маводи доруворӣ ва молҳои тиббӣ дар ҷумҳурӣ истеҳсолшаванда дар соли 2023 зиёда аз 95 миллион ададро ташкил додааст, ки нисбат ба ҳамин давраи соли гузашта 5 миллион адад зиёд мебошад.
Гуфта мешавад, ки яке аз самтҳои муҳими соҳаи тандурустӣ бахши фарматсевтӣ мебошад. Барои танзими фаъолияти фарматсевтӣ ва муомилоти доруворӣ дар даврони соҳибистиқлолии мамлакат сохтори дахлдор таъсис дода шуда, санадҳои меъёрии ҳуқуқии танзимкунандаи муомилоти доруворӣ ва фаъолияти фарматсевтӣ таҳия ва тасдиқ гардиданд.
Бояд гуфт, ки Президенти Ҷумҳурии Тоҷикистон низ пайваста рушди саноати дорусозиро аз ҷумлаи масъалаҳои муҳимтарин дар соҳаи тандурустии мамлакат таъкид менамоянд.
Муассисаи давлатии «Маркази илмию тадқиқотии фарматсевтӣ» дар соли 2023 корҳои илмию тадқиқотиро оид ба коркарди технологияи ҳосилкунии экстракт ширинии тути сафед, ферулин ғилофак, меваи қоқи тути сафед, шарбати холагон, меваи хуч ва зелол таҳия карда, шароити техникии онҳо дар Хадамоти назорати давлатии тандурустӣ ва ҳифзи иҷтимоии аҳолӣ тасдиқ гардиданд.
Ҳамзамон дар сехи истеҳсоли таҷрибавии Марказ 1 номгуй маҳсулот дар шакли сироп ба микдори 200 қуттӣ истеҳсол шуд. Ба маҳсулоти истеҳсолшуда сертификати мутобиқат аз тарафи Хадамоти назорати давлатии тандурустӣ ва ҳифзи иҷтимоии аҳолӣ дода шуд.
Зарангези ЛАТИФ,
АМИТ «Ховар»
АКС: АМИТ «Ховар»
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
