ТАҚВИМИ АМИТ «ХОВАР»: имрӯз 11 феврал, якшанбе, 42-юмин рӯзи соли 2024 аст

11 феврали соли 2009 Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи бинои нави Сафорати Ҷумҳурии Тоҷикистон дар Брюссел иштирок намуда, бо ҳамватанони муқими Белгия мулоқот анҷом доданд.

***

11 феврали соли 2009 дар шаҳри Брюссел форуми тиҷоратии  соҳибкорони Тоҷикистон ва Белгия баргузор гардид.

***

Дар ин рӯзи соли 2013 дар шаҳри Душанбе маҷмуи васеи масоили ҳамкории Тоҷикистон ва Иттиҳоди Аврупо баррасӣ шуд.

***

11 феврали соли 2013  дар шаҳри Париж маросими ифтитоҳи расмии «Соли байналмилалии ҳамкорӣ дар соҳаи об- 2013» баргузор гардид.

***

Дар ин рӯзи соли 2015 палатаи поёнии Парлумони Тоҷикистон Созишномаи сармоягузорӣ байни Ҳукумати Ҷумҳурии Тоҷикистон ва Ширкати «Huaxin Cement  Co., LTD»-и Ҷумҳурии Мардумии Чинро тасдиқ намуд.

***

Соли 2015 аввалин маротиба дар таърихи ҷаҳон дар  Алмато маросими ботантанаи ифтитоҳи дафтари Созмони ҷаҳонии тандурустӣ оид ба оғози кумаки тиббӣ-санитарӣ доир гардид.

***

11 феврали соли 2016 дар шаҳри Душанбе масоили гуногунҷанбаи ҳамкории дуҷонибаи Тоҷикистон ва Туркманистон муҳокима шуд.

*** 

11 феврали соли 2020 Ҷумҳурии Тоҷикистон бо Бонки Аврупоии Таҷдид ва Рушд созишномаҳои грантӣ ба имзо расонид.

***

11 феврали соли 2021 дар Душанбе даври шаҳрии Фестивали заргарии «Ҳунар омӯз …» ҷамъбаст гардид.

***

11 феврали соли 2022 дар Душанбе омодагӣ ба ҷаласаи Шурои миллии рушд ва Форуми рушди Тоҷикистон баррасӣ гардид.

 *** 

11 феврали соли 2023 соҳибкорони вилоятҳои Суғд ва Нижегород 13 шартномаи ҳамкорӣ ба имзо расониданд.

11 ФЕВРАЛ:

Рӯзи байналмилалии занону духтарон дар илм.

***

Рӯзи ҷаҳонии бемор.

***

Дар Камерун – Рӯзи ҷавонон.

***

Дар Либерия – Рӯзи қувваҳои мусаллаҳ.