ТАҚВИМИ АМИТ «ХОВАР»: имрӯз 15 феврал, панҷшанбе, 46-умин рӯзи соли 2024 аст

Соли 2009 дар шаҳри Душанбе байни Вазорати маорифи Ҷумҳурии Тоҷикистон ва ташкилоти байналмилалии «Релиф Интернейшнл» созшномаи ҳамкорӣ ба имзо расид.

***

15 феврали соли 2017 дар шаҳри Душанбе мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарияту фаъолон ва масъулони соҳаҳои гуногуни Мақомоти иҷроияи ҳокимияти давлатии шаҳри Душанбе баргузор шуд.

***

15 феврали соли 2018 Президенти Ҷумҳурии Тоҷикистон муҳтарам Эмомалӣ Раҳмон дар робита ба хабари фоҷеабори тирпаронӣ ба Президенти Иёлоти Муттаҳидаи Америка Доналд Ҷон Трамп барқияи тасаллият ирсол намуданд.

***

15 феврали соли 2022  ҷаласаи кории Комиссияи байниҳукуматии Тоҷикистон ва Русия оид ба ҳамкории иқтисодӣ тариқи видеоконфронс баргузор гардид.

15 ФЕВРАЛ:

 Рӯзи байналмилалии кӯдакони гирифтори бемории саратон.

***

Дар Канада – Рӯзи парчами миллӣ.

***

Дар Сербия – Рӯзи давлатдорӣ.

ДАР ИН РӮЗ ТАВАЛЛУД ШУДААНД:

Саттор Турсун-1946,  — нависанда, тарҷумон. Узви Иттифоқи нависандагони Тоҷикистон (1972), Нависандаи халқии Тоҷикистон (1998).