Тибқи рейтинги нави Шурои миллии таҳқиқоти Испания Донишгоҳи техникии Тоҷикистон 101 зина боло рафта, дар зинаи 5415 қарор дорад

Февраль 7, 2024 16:04

ДУШАНБЕ, 07.02.2024 /АМИТ «Ховар»/.   Шурои миллии таҳқиқоти Испания (CSIC) моҳи январи соли 2024 рейтинги навашро мунташир сохт, ки тибқи он Донишгоҳи техникии Тоҷикистон ба номи академик Муҳаммад Осимӣ дар байни муассисаҳои таҳсилоти олии касбии Тоҷикистон дар мақоми аввал қарор дошта, дар сатҳи ҷаҳон дар байни зиёда аз 31000 донишгоҳу донишкада (Universities: January 2024 Edition 2024.1.1 beta)  дар зинаи 5415 қарор дорад, яъне, назар ба соли гузашта 101 зина боло рафтааст. Дар ин хусус ба АМИТ «Ховар» дар Донишгоҳи техникии Тоҷикистон иттилоъ доданд.

 

Ба гуфтаи ректори Донишгоҳи техникии Тоҷикистон Қудрат Давлатзода, Донишгоҳи техникии Тоҷикистон  дар самти омода намудани мутахассисони муҳандисӣ ва илмӣ-педагогӣ фаъолияташро пеш бурда, соли 2023 дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» якчанд чорабиниҳои илмӣ-амалӣ баргузор намуд.

Дар ин давра дар донишгоҳ 9 конференсияи илмӣ-амалии сатҳи ҷумҳуриявӣ ва байналмилалӣ гузаронида шуд, ки дар онҳо донишҷӯёну унвонҷӯён ва олимон фаъолона иштирок намуда, натиҷаи корҳои илмӣ-таҳқиқотиашонро ба нашр расониданд.

Дар баробари нашри мақолаҳо дар маводи конференсияву маҷаллаҳои илмии донишгоҳ фаъолияти олимони донишгоҳ дар самти интишори мақолаҳои илмӣ дар нашрияҳои тақризии байналмилалӣ, аз ҷумла Scopus, Web of Science ва ғайра хеле назаррас аст. Аз ҷумла, соли 2023 аз ҷониби устодони донишгоҳ зиёда аз 40 мақола (Scopus, Web of Science ва амсоли онҳо) чоп гардидааст.

Ин аст, ки тибқи нишондиҳандаи рейтинги Вэбомэтрикс Ранкин оф Юнивурситиз Ворлд (Webometrics Ranking of Universities World), ки бо номи Ранкин Вэб оф Юнивурситиз (Ranking Web of Universities) маъруф аст, Донишгоҳи техникии Тоҷикистон давоми солҳои охир бо нишондиҳандаҳои баландтарин дар рӯйхати беҳтарин донишгоҳҳои Тоҷикистон қарор гирифт, ки ин ба якчанд нишондиҳанда, аз ҷумла иқтибоси беруна ба мақолаҳои илмӣ ва номи донишгоҳ, сомонаи интернетӣ ва ғайра асос ёфтааст.

Ин рейтинг дар асоси пажуҳиши Шурои миллии таҳқиқоти Испания (CSIC), ки дар Мадрид ҷойгир аст, ҳамасола нашр мегардад. Ҳадафи рейтинг баланд бардоштани ҳузури муассисаҳои таълимӣ, илмӣ-таҳқиқотӣ дар сомонаҳои интернетӣ ва мусоидат ба нашри кушоди натиҷаҳои корҳои илмӣ-таҳқиқотии устодону донишҷӯён мебошад.

АКС аз манбаъҳои боз

Февраль 7, 2024 16:04

Хабарҳои дигари ин бахш

Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд