Дар Чемпионати Тоҷикистон оид ба футбол байни дастаҳои Лигаи олӣ 12 бошгоҳ иштирок менамояд
ДУШАНБЕ, 05.03.2024 /АМИТ «Ховар»/. Кумитаи иҷроияи Федератсияи футболи Тоҷикистон тасмим гирифт, ки дар мавсими нав теъдоди иштирокчиёни Лигаи олии чемпионҳои Тоҷикистонро афзоиш диҳад, хабар медиҳад АМИТ «Ховар» бо истинод ба Федератсияи футболи Тоҷикистон.
Тибқи протоколи мулоқоти Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон Рустами Эмомалӣ бо аҳли ҷомеаи футболии мамлакат, ки дар он масъалаи афзоиши дастаҳо дар ҳамаи лигаҳои мамлакат мавриди баррасӣ қарор гирифта буд, Кумитаи иҷроияи Федератсияи футболи Тоҷикистон (ФФТ) тасмим гирифт, ки шумораи иштирокчиёни Лигаи олиро аз 10 ба 12 даста расонад. Шумораи иштирокчиёни Лигаи якуми Тоҷикистон низ зиёд мешавад.
Бар асоси натиҷаҳои раванди литсензиякунонии бошгоҳҳо маълум шуд, ки дастаи «Файзканд»-и Восеъ ба далели мушкилоти молӣ ва инфрасохторӣ дар чемпионати Тоҷикистон иштирок карда наметавонад. Дастаи ноҳияи Восеъро дар Лигаи олии мамлакат барандаи медали биринҷии Лигаи якуми мавсими гузашта- «Барқчӣ»-и Ҳисор, ки аз расмиёти литсензиякунонӣ бомуваффақият гузаштааст, иваз менамояд.
Илова бар ин, бинобар ба 12 адад расидани шумораи дастаҳо дар чемпионати Тоҷикистон-2024 дастаҳои «Регар-ТадАЗ»-и Турсунзода ва «Вахш»-и Бохтар баромадро дар Лигаи олӣ идома медиҳанд, зеро ин бошгоҳҳо ба талаботи чемпионати Тоҷикистон ҷавобгӯ буда, аз иҷозатномадиҳӣ бомуваффақият гузаштаанд. Дастаҳои «Хулбук» ва «Моҳир», ки дар мавсими гузаштаи Лигаи якум ҷойҳои чорум ва панҷумро гирифтанд, бинобар риоя накардани талаботи муқарраршудаи низомномаи иҷозатномадиҳӣ ба бошгоҳҳои Лигаи олии Тоҷикистон ба Лигаи олӣ роҳ дода нашуданд.
Тибқи қарори Кумитаи иҷроияи Федератсияи футболи Тоҷикистон, мавсими нави мусобиқоти чемпионати Тоҷикистон дар ду давра баргузор мешавад, ки ҳар даста дар майдонаш ва дар меҳмонӣ бо ҳам бозӣ менамоянд. Умуман, дар мавсим ҳар тим 22 бозӣ мегузаронад. Дастае, ки дар мавсими соли 2024-и Лигаи олӣ мақоми охиринро ишғол менамояд, ба Лигаи якум меравад ва бошгоҳе, ки дар чемпионат ҷойи ёздаҳумро мегирад, бо барандаи медали нуқраи Лигаи якуми Тоҷикистон-2024 бозиҳои гузаришӣ доир менамояд.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
