Дар Донишгоҳи давлатии ҳуқуқ, бизнес ва сиёсати Тоҷикистон Ҳафтаи дарҳои кушод ҷамъбаст шуд
ДУШАНБЕ, 04.03.2024 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон дар вилояти Суғд Ҳафтаи дарҳои кушод ҷамъбаст шуда, ғолибони олимпиада байни хатмкунандагон дар вазъияти тантанавӣ қадршиносӣ гардиданд. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи ин донишгоҳ хабар медиҳад.
Зимни Ҳафтаи дарҳои кушод хатмкунандагони шаҳру ноҳияҳои вилоят ба донишгоҳ омада, дастовардҳои устодону донишҷӯёнро тамошо ва дар дарсҳои намунавии устодон иштирок намуданд, бо шароиту имконияти Маркази таҳсилоти рақамии донишгоҳ ва дигар биноҳои таълимии ин муассисаи бонуфузи касбии олӣ шинос шуданд.
Дар маросими қадршиносии ғолибони олимпиада байни хатмкунандагон иброз гардид, ки мақсад аз ташкили Ҳафтаи дарҳои кушод ва олимпиада байни хатмкунандагон- ҷалби хатмкунандагон ба омӯзиши илму дониш ва ба касбомӯзӣ фаро гирифтани онҳо мебошад.
Дар Ҳафтаи дарҳои кушод, ки 26 феврал оғоз гардида, то 2 март идома ёфт, беш аз 10 000 хатмкунандагони муассисаҳои таҳсилоти миёнаи умумӣ ҳамроҳ бо омӯзгорон ба донишгоҳ омада, бо шароити таҳсил, имконияту ихтисосҳо аз наздик шинос шуданд. Дар олимпиада байни хатмкунандагон беш аз 7000 хатмкунанда тариқи онлайн ва офлайн иштирок намуданд.
Ёдовар мешавем, ки дар донишгоҳ шуруъ аз 20 январ то 20 феврал даври аввали интернет-олимпиадаи хатмкунандагон баргузор гардида, дар ин давра хоҳишмандон тариқи воридшавӣ ба сомонаи донишгоҳ донишашонро аз рӯи намунаҳои саволномаҳои Маркази миллии тестӣ барои дохил шудан ба донишгоҳ санҷиданд.
Ғолибони олимпиада бо туҳфаҳои арзишманд, аз қабили ноутбук, телевизор, планшет ва телефон қадршиносӣ шуданд.
Ҳамчунин дар маросими қадршиносӣ дар доираи Ҳафтаи дарҳои кушод ва олимпиада байни хатмкунандагон ба омӯзгорони муассисаҳои таълимӣ Ифтихорнома, Сипоснома ва туҳфаҳои хотиравӣ тақдим гардиданд.
АКС: Шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
