Дар Душанбе ҷаласаи комиссияи даъвати ҷумҳуриявӣ баргузор шуд
ДУШАНБЕ, 30.03.2024 /АМИТ «Ховар»/. Дар Вазорати мудофиаи мамлакат бо иштироки муовини Сарвазири Ҷумҳурии Тоҷикистон-раиси комиссияи даъвати ҷумҳуриявӣ Дилрабо Мансурӣ, ҳайати роҳбариву фармондеҳии Вазорати мудофиа, намояндаи Дастгоҳи иҷроияи Президенти Ҷумҳурии Тоҷикистон, сарпрокурори ҳарбӣ ва дигар мақомоти давлатии вобаста ба даъват ҷаласаи комиссияи даъвати ҷумҳуриявӣ вобаста ба иҷрои талаботи Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006-и Ҷумҳурии Тоҷикистон ба хизмати ҳарбӣ» баргузор гардид.
Тавре ба АМИТ «Ховар» дар Вазорати мудофиаи ҷумҳурӣ хабар доданд, дар кори ҷаласа масъалаҳои вобаста ба даъвати баҳории соли 2024 ва тартиби адои хизмати ҳарбӣ дар ҳайати захираҳои даъватӣ муҳокима шуда, масъулин натиҷаи даъватҳои пешин ва сатҳу сифати хизмат дар ҳайати захираҳои даъватиро мавриди таҳлилу баррасӣ қарор дода, шахсони масъулро бо супоришҳои мушаххас вазифадор намуданд.
Ҳамзамон масоили омӯзиши ҳаматарафаи захираҳои даъватӣ, мутобиқ ба талаботи қонунгузории низомӣ гузаронидани тайёрии тодаъватии ҷавонон баҳри адои хизмати ҳарбӣ, омода намудани мутахассисон аз ҳисоби ҷавонони синни даъватӣ, ҳамоҳангии фаъолияти мақомоти давлатии вобаста ба даъват ва тақвият додани корҳои мақсаднок дар ҷараёни даъват аз масъалаҳои дигари баррасигардида дар ин ҷамъомад маҳсуб мешуд, ки аз ҷониби иштирокчиён маврди таҳлилу омӯзиши ҳамаҷониба қарор гирифт.
Дар охири ҷаласа иштирокчиён баҳри дар сатҳи баланд ва муташаккилона гузаронидани ин маъракаи муҳими сиёсӣ-ҷамъиятӣ бо супоришҳои мушаххас вазифадор гардиданд.
АКС: Вазорати мудофиаи Ҷумҳурии Тоҷикистон
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
