Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
НОРАК, 28.03.2024 /АМИТ «Ховар»/. Дар Неругоҳи барқи обии «Норак» ҷашни байналмилалии Наврӯз бо намоиши ҳунарҳои мардумӣ, таомҳои миллӣ ва барномаи фарҳангӣ таҷлил гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Норак иттилоъ доданд.
Дар ҳамоиш Раиси шаҳри Норак Фирӯза Шарифӣ кормандони неругоҳро бо ҷашни Наврӯзи байналмилалӣ табрик намуда, иброз дошт, ки «Наврӯз ҷашни эҳёи табиат буда, фаротар аз дину фарҳангҳо аст ва ҳамин хусусияти волояш сабаб гардидааст, ки манзалаташро то замони мо аз даст надиҳад, баръакс, дар замони соҳибистиқлолии мамлакат дар заминаи сиёсати хирадмандона ва фарҳангпарваронаи Пешвои миллат муҳтарам Эмомалӣ Раҳмон шукуҳу ҷалоли хосса касб намуда, мақоми байналмилалӣ гирифт».
Президенти Тоҷикистон муҳтарам Эмомалӣ Раҳмон зимни пешниҳоди Паём ба Маҷлиси Олии мамлакат бо ҳисси ифтихор таъкид намуданд, ки «Наврӯз вожаи байналмилалӣ буда, дар тамоми ҷаҳон бе тарҷума бо номи Наврӯз истифода мешавад».
Дар ҳамоиш гуфта шуд, ки яке аз суннатҳои бисёр неку шоистаи Наврӯз он аст, ки одамон ба истиқболи ин ҷашни фархунда макони зисту ашёи рӯзгор ва сару либосҳояшонро нав ё тозаву озода мегардонанд, маданияти заминдориву заминкорӣ ва боғдориву ободкориро ривоҷ мебахшанд.
Меҳмонону кормандони ин корхонаи бузурги Тоҷикистон аз тамошои намоишгоҳи наврӯзӣ руҳу илҳоми тоза гирифтанд.
АКС: Мақомоти иҷроияи ҳокимияти давлатии шаҳри Норак
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон ҳаво то 40 дараҷа гарм мешавад
