ФУТБОЛ. Қуръапартоии тақвими бозиҳои чемпионати Тоҷикистон-2024 баргузор гардид
ДУШАНБЕ, 09.03.2024 /АМИТ «Ховар»/. Дар шаҳри Душанбе маросими қуръапартоии тақвими бозиҳои чемпионати Тоҷикистон-2024 оид ба футбол байни дастаҳои Лигаи олӣ баргузор шуд, хабар медиҳад АМИТ «Ховар».
Дар мавсими 33-юми чемпионати Тоҷикистон 12 даста иштирок менамояд — «Истиқлол», КМВА (ҳарду аз Душанбе), «Хуҷанд», «Эсхата» (ҳарду аз Хуҷанд), «Истаравшан» (Истаравшан), «Вахш» (Бохтар), «Куктош» (Рӯдакӣ), «Равшан» (Кӯлоб), «Ҳосилот» (Фархор), «Регар-ТадАЗ» (Турсунода), «Барқчӣ» (Ҳисор) ва «Панҷшер» (Ҷалолиддини Балхӣ).
Мавсими нави чемпионати Тоҷикистон 6 апрел оғоз ёфта, дар ду марҳила баргузор мешавад. Дар натиҷаи бозиҳои 22 давр дастаи зинаи охирин ба Лигаи якум мефарояд, чемпиони Лигаи якум мустақиман ба Лигаи олӣ роҳхат пайдо мекунад. Дастаи зинаи 11-уми Лигаи олӣ бо барандаи медалҳои нуқраи Лигаи якум ду бозии гузаришӣ анҷом медиҳад.
Вобаста ба рақамҳои тартибие, ки собиқадорони футболи тоҷик Суҳроб Ҳамидов ва Искандар Ҷалилов дар қуръакашӣ гирифтанд, тақвими бозиҳои чемпионати Тоҷикистон тартиб дода мешавад.
Мувофиқи низоми Бергер, дар даври аввали Чемпионати Тоҷикистон-2024 дастаҳо ба таври зайл байни ҳам бозӣ менамоянд:
«Хуҷанд» – «Эсхата»
«Ҳосилот» – «Куктош»
«Регар-ТадАЗ» – «Вахш»
«Истиқлол» – «Истаравшан»
«Барқчӣ» – «Равшан»
«Панҷшер» – КМВА
АКС: Федератсияи футболи Тоҷикистон
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
