Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
ДУШАНБЕ, 21.03.2024 /АМИТ «Ховар»/. Гурӯҳи коршиносони байналмилалӣ аз Ҷумҳурии Федеративии Олмон, ки барои иштирок дар тантанаҳои наврӯзӣ ва муаррифии имконияти сайёҳии Тоҷикистон дар воситаҳои ахбори оммаи ҷаҳонӣ ба Тоҷикистон омадаанд, бо пойгоҳи омодасозии кадрҳои соҳаи сайёҳии Донишгоҳи байналмилалии сайёҳӣ ва соҳибкории Тоҷикистон шинос шуд.
Тавре ба АМИТ «Ховар» дар Донишгоҳи байналмилалии сайёҳӣ ва соҳибкории Тоҷикистон иттилоъ доданд, меҳмонон дар ҳайати Президенти муколамаи кушодаи байналмилалӣ Кристиан Гроссе, муҳаррири маҷаллаҳои масоили сиёсӣ ва иҷтимоӣ Волкер Таҳер Ниф ва коршиноси масоили санъати тасвирӣ ва ҳайкалтарошӣ доктор Саид Умар маҷмааи таълимӣ-озмоишгоҳии донишгоҳро дар риштаи сайёҳӣ, меҳмондорӣ ва хизматрасонии тарабхонавӣ тамошо намуда, бо донишҷӯён суҳбати гарму самимӣ анҷом доданд.
Меҳмонон ба заминаҳои моддӣ-техникии Донишгоҳи байналмилалии сайёҳӣ ва соҳибкории Тоҷикистон баҳои баланд дода, зимни мулоқот бо ҳайати омӯзгорон ва донишҷӯёни муассиса таассуроташонро нисбат ба имконияти сайёҳии мамлакат, табиати зебо, фарҳанги баланди меҳмондорӣ ва шароити таҳсил барои ҷавонони имрӯза баён намуданд.
АКС: Донишгоҳи байналмилалии сайёҳӣ ва соҳибкории Тоҷикистон
Дар Душанбе Форуми байналмилалии «Ҳамкорӣ ба хотири рушди устувор. Сабз. Рақамӣ. Ҳушманд» оғоз шуд
Ҷашни байналмилалии Наврӯз дар Хадамоти гумруки Тоҷикистон ботантана таҷлил гардид
Пагоҳ дар Душанбе Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» оғоз меёбад
Дар Нуробод ҷашни Наврӯз бо барномаҳои фарҳангӣ, варзишӣ ва ободкориҳо таҷлил карда шуд
Дар Мактаб-интернати ҷумҳуриявӣ барои кӯдакони ятим дар ноҳияи Ёвон Иди Наврӯз таҷлил карда шуд
Сокинони ноҳияи Лахш Наврӯзи байналмилалиро бо шаҳомати хосса таҷлил намуданд
Имкониятҳои сайёҳии Тоҷикистон дар 14-умин Намоишгоҳи байналмилалии сайёҳии Макао муаррифӣ мегарданд
Дар ноҳияи Рашт карнавали наврӯзӣ доир шуд
Китобҳои «Эмомалӣ Раҳмон — Ҷамшеди рӯзгори мо» ва «Наврӯз аз Рӯдакӣ то имрӯз» муаррифӣ гардиданд
Дар қароргоҳи ЮНЕСКО дар Париж Наврӯзи байналмилалиро таҷлил карданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Бахшида ба Наврӯз дар Боку шоми фарҳангии «Chakan Fashion Show: мероси анъанаҳо давоми асрҳо» баргузор шуд
