НАҚШИ ДИПЛОМАТИЯИ ОБ ДАР СИЁСАТИ ХОРИҶИИ ТОҶИКИСТОН. Дар Душанбе конференсияи байналмилалӣ баргузор шуд
ДУШАНБЕ, 30.03.2024 /АМИТ «Ховар»/. Дар ҳошияи Даҳсолаи байналмилалии амал «Об барои рушди устувор-2018-2028» дар Академияи идоракунии давлатии назди Президенти Ҷумҳурии Тоҷикистон дар мавзуи «Нақши дипломатияи об дар сиёсати хориҷии Ҷумҳурии Тоҷикистон» конференсияи байналмилалии илмӣ-назариявӣ доир шуд, хабар доданд ба АМИТ «Ховар» дар академия.
Дар кори конференсия намояндагон аз вазорату идораҳои ҷумҳурӣ, коршиносони дохиливу хориҷӣ, мутахассисони масоили байналмилалӣ ба таври ҳузуриву маҷозӣ иштирок намуданд.
Ноиби ректор оид ба илм ва инноватсияи Академияи идоракунии давлатӣ Карамалишо Карамалишоев иброз намуд, ки Ҷумҳурии Тоҷикистон ҳамчун яке аз мамлакатҳои ташаббускори ҳалли мушкилоти байналмилалии марбут ба оби ошомиданӣ дар амалӣ намудани ҳадафҳояш асосан аз дипломатия кор мегирад, ки он то имрӯз дар арсаи байналмилалӣ камназир аст. Асоси дипломатияи пешгирифтаи Тоҷикистонро муносибати муштараки тамоми мамлакатҳои аъзои Созмони Милали Муттаҳид ва дигар ниҳодҳои байналмилалӣ дар ҳалли мушкилоти марбут ба об ташкил менамояд. Тоҷикистон ба тамоми ҷомеаи ҷаҳонӣ эълон доштааст, ки дар замони муосир, ки дар баробари хатарҳои геополитикиву сиёсӣ ба амнияту осоиштагии аҳолии ҷаҳон инчунин мушкилоти табиӣ низ хатар ворид менамоянд, танҳо дар сурати истифодаи оқилонаи захираҳои мавҷуда, пешгирии тағйирёбии шадиди иқлим ва таъмини тозагии захираҳои обӣ метавон дар ин самт ба натиҷаҳои дилхоҳ шарафёб гардид.
Муовини якуми Вазири корҳои хориҷии Ҷумҳурии Тоҷикистон Исматулло Насредин таъкид дошт, ки тағйирёбии босуръати иқлим ва афзоиши аҳолии сайёра дар назди инсоният масъалаҳои нав мегузоранд, ки ҳалли оқилонаи онҳо боиси паст шудани шиддати таъсири тағйирёбии иқлим ва баланд бардоштани сатҳи зиндагонии аҳолӣ мегардад. Об ҳамчун сарвати табиӣ дорои хусусияти хосса буда, бо ин хусусият аз дигар сарватҳои табиӣ ба куллӣ тафовут дошта, аҳамияти баланди сиёсӣ дорад. Яке аз хусусиияти об дар он зоҳир мегардад, ки доим дар ҳаракат ва гардиш буда, дар фазо ва ҳудуди муайян маҳдуд намегардад. Ин хусусият боиси ба вуҷуд омадани дарёҳои фаромарзӣ гардидааст, ки давлатҳо ва минтақаҳоро ба ҳам мепайванданд ва муносибатҳои байнидавлатию минтақавӣ ва байналмилалиро дар соҳаи об ба вуҷуд овардаанд.
Дар кори конференсия ноиби президенти Академияи миллии илмҳои Тоҷикистон, профессорон аз Донишгоҳи славянии Русия ва Тоҷикистон, Академияи идоракунии давлатӣ ва намояндагони Маркази минтақавии экологии Осиёи Марказӣ, Донишгоҳи давлатии сиёсатшиносӣ ва ҳуқуқи Шанхай ва Донишгоҳи миллии Қазоқистон ба номи Ал-Форобӣ сухан намуданд.
АКС: Академияи идоракунии давлатии назди Президенти Ҷумҳурии Тоҷикистон
Дар Ню-Йорк ҳамкории Тоҷикистон бо Хазинаи нуфуси Созмони Милали Муттаҳид баррасӣ шуд
Ташаббуси Президенти Тоҷикистон оид ба эълони Рӯзи байналмилалии морхӯр дар воситаҳои ахбори оммаи Швейтсария тарғиб гардид
Ташаббусҳои ҷаҳонии Пешвои миллат дар соҳаи об, тағйирёбии иқлим ва ҳифзи пиряхҳо дар маҷаллаҳои нашриётӣ ва электронии Покистон инъикос гардиданд
Покистон ба ташаббусҳои Роҳбарияти олии Тоҷикистон дар самти таъмини об ва энергияи сабз дар ҷаҳон баҳои баланд медиҳад
Дар Женева бо ташаббуси Тоҷикистон чорабинии давлатҳои аъзои Созмони Милали Муттаҳид марбут ба обу иқлим баргузор шуд
Тоҷикистон ва Нидерланд баргузории Конфронси сеюми оби Душанберо муҳим ва саривақтӣ арзёбӣ намуданд
Дар Покистон оид ба ташаббусҳои ҷаҳонии Тоҷикистон дар соҳаи обу иқлим конфронс доир гардид
Пиряхҳои Тоҷикистон объекти муҳити зист ва манбаъҳои стратегии захираҳои об мебошанд
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
Дар Ашқобод ҳамкории Тоҷикистон бо Маркази минтақавии СММ оид ба дипломатияи пешгирикунанда баррасӣ шуд
Имрӯз таҳти раёсати Сарвазири Тоҷикистон ҷаласаи дуюми Кумитаи тадорукоти Конфронси сеюми оби Душанбе баргузор гардид
Дар Донишгоҳи славянии Русияву Тоҷикистон вобаста ба аҳамияти ҳифзи пиряхҳо конференсияи байналмилалӣ баргузор гардид
