Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
ДУШАНБЕ, 06.06.2025. /АМИТ «Ховар»/. Нақши занон дар ҳалли масъалаҳои тағйирёбии иқлим ва ҳифзи пиряхҳо бисёр муҳим аст. Зеро занон аз таъсири тағйирёбии иқлим, бахусус обшавии пиряхҳо ба таври номутаносиб осеб мебинанд. Онҳо бояд дар муҳокимаҳои иқлимӣ дар сатҳи ҷомеа, дар қабули қарорҳои миллӣ, дар парлумонҳо ва ташаккули сиёсатҳо ва барномаҳое, ки ба ин мушкилот марбут ҳастанд, ҷалб карда шаванд. Чунин иброз дошт муовини Директори минтақавии Созмони Милали Муттаҳид оид ба занон дар Аврупо ва Осиёи Марказӣ Элиза Фернандес.
Хабарнигори АМИТ «Ховар» бо Элиза Фернандес зимни баргузории Форуми «Занон дар ҳифзи пиряхҳо», ки 29 май дар доираи Конфронси байналмилалии сатҳи баланд оид ба ҳифзи пиряхҳо (29-31 май) дар Китобхонаи миллии Тоҷикистон доир гардид, ҳамсуҳбат шуд.
«Мо дар конфронс на танҳо дар бораи нақши муҳими занон дар ҳифзи пиряхҳо суҳбат кардем, балки дар мавриди талоши онҳо дар идоракунии об низ ибрози андеша намудем. Дар ин самт чандин пешниҳодҳои муҳим ҳам намудем, ки барои расидан ба ҳадафҳои гузоштаи мо мусоидат менамояд»,- афзуд Элиза Фернандес.
Элиза Фернандес таассуроти сафарашро иброз дошта, гуфт, ки маротибаи сеюм аст ба Тоҷикистон меояд ва ҳар даъфа бештар дилбастаи табиати нотакрори Тоҷикистон, бахусус кӯҳҳо сар ба афлокаш мегардад.
«Дар сарзамини тоҷикон ба ман ҳама чиз, шуруъ аз хӯрокҳо ва либосҳои миллӣ, мусиқии тоҷикӣ бо рақсҳои бисёр мавзуну зебои гулдухтарони чаканпӯшаш то боғҳои гулпӯшу атрогинаш писанд омад. Таҳти навои мусиқии тоҷикӣ рақс ҳам кардем, ки хотирамро болида гардонд. Меҳмондории мардуми тоҷик, урфу одат ва табибати зебои сарзамини шумо касро водор месозад, ба Тоҷикистон боз биёӣ»,-мегӯяд ҳамсуҳбати мо.
Ёдовар мешавем, ки аз 29 то 31 майи соли равон дар Тоҷикистон Конфронси байналмилалии сатҳи баланд оид ба ҳифзи пиряхҳо бо иштироки беш аз 2600 нафар аз 90 кишвари ҷаҳон баргузор гардид, ки он ҳамчун як платформаи калидии ҳамкории байналмилалӣ оид ба устувории иқлим ва идоракунии устувори об хизмат мекунад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар қароргоҳи ЮНЕСКО оид ба омодагӣ ба Конфронси байналмилалии оби Душанбе нишасти матбуотӣ доир шуд
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
ҲИФЗИ ПИРЯХҲО. Баланд бардоштани маърифати экологии аҳолӣ дар ҳалли ин масъала нақши муҳим дорад
Раҳмон Исломиддин: «Ташаббусҳои Тоҷикистон оид ба обу иқлим ба ҳалли мушкилоти аҳли башар мусоидат менамоянд»
ТАШАББУСҲОИ ТОҶИКИСТОН. Ҳифзи пиряхҳо барои амният, шукуфоӣ ва адолат муҳим аст
Дар Конфронси чоруми байналмилалии сатҳи баланд дар Душанбе ҳайати бонуфуз аз Миср иштирок менамояд
РАВАНДИ ОБИ ДУШАНБЕ. Дар Сеул нишасти матбуотӣ оид ба Конфронси чоруми байналмилалии сатҳи баланд доир шуд
Ҳайати Тоҷикистон дар ҷаласаи ҳафтуми мақомоти ҳифзи муҳити зисти давлатҳои аъзои СҲШ дар Бишкек иштирок намуд
Аз минбари СММ то «Раванди оби Душанбе»: таъсири ташаббусҳои Пешвои миллат Эмомалӣ Раҳмон
БОҶАЙЁМ — МУЖДАРАСОНИ НАВРӮЗ. Дар Бадахшон дар ин давра дар тараддуди ҷашнгирии Иди Наврӯз мешуданд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишро ба харҷ медиҳад
