ҶОМИ ҶАҲОН-2026. Дастаи мунтахаби Тоҷикистон дар шаҳри Давҳа ба бозиҳои интихобӣ омодагӣ мебинад
ДУШАНБЕ, 15.03.2024 /АМИТ «Ховар»/. Дастаи мунтахаби Тоҷикистон оид ба футбол таҳти роҳбарии мутахассиси гурҷӣ Гела Шекиладзе омодагиҳоро ба бозиҳои интихобии Ҷоми ҷаҳон-2026 ба муқобили дастаи мунтахаби Арабистони Саудӣ дар ҷамъомади таълимиву тамринии шаҳри Давҳа идома медиҳад. Футболбозони тоҷик дар доираи ҷамъомади тамринӣ дар шаҳри Давҳаи Қатар машқҳои навбатӣ анҷом доданд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Рӯзи сеюми ҷамъомади таълимиву тамринии дастаи мунтахаби Тоҷикистон дар Қатар баргузор шуд. Ҳайати дастаи мунтахаби Тоҷикистон ҳоло аз 15 бозигар иборат аст. Ба ҳайати дастаи мунтахаби Тоҷикистон дохил шудани легионерҳо аз 16 март шуруъ мегардад.
Дар рӯзи дуюми ҷамъомади таълимӣ дастаи мунтахаби Тоҷикистон ду маротиба – сараввал дар толори варзишӣ ва баъд дар майдони футбол машқ намуд.
Хотиррасон мешавем, ки шоми 18 марти имсол дастаи мунтахаби Тоҷикистон барои бозии сеюми даври дуюми марҳилаи интихобии Ҷоми ҷаҳон-2026 ба муқобили дастаи мунтахаби Арабистони Саудӣ аз шаҳри Давҳа ба шаҳри Риёз парвоз менамояд. Ин дидор 21 март дар варзишгоҳи Донишгоҳи Шоҳ Сауд баргузор шуда, соати 23:59 ба вақти Душанбе оғоз мегардад.
Сипас дастаи мунтахаби Тоҷикистон ба шаҳри Душанбе баргашта, дар майдони худ бо дастаи мунтахаби Арабистони Саудӣ бозии интихобии Ҷоми ҷаҳон-2026-ро анҷом медиҳад. Ин рақобат 26 март, соати 20:00 дар Варзишгоҳи марказии шаҳри Душанбе баргузор мешавад.
АКС: Федератсияи футболи Тоҷикистон
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
