Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
ДУШАНБЕ, 25.03.2024. /АМИТ «Ховар»/. Дар танзими нархи маҳсулоти кишоварзӣ ва талаф наёфтани он сардхонаҳои муосир нақши муҳим доранд. Охири соли 2023 дар деҳоти «Файзи Истиқлол»- и ноҳияи Кӯшониён сардхонаи муосири Ҷамъияти дорои масъулияти маҳдуди «Сомон Агро Саноат» мавриди истифода қарор дода шуд, ки дар он имкони дар шароити хуб нигоҳубини то 2 ҳазор тонна меваю сабзавот мавҷуд мебошад, хабар медиҳад мухбири АМИТ «Ховар».
Минбаъд аҳолии ин деҳа ва ноҳия имкон доранд, ки дар ин сардхона тариқи шартнома меваю сабзавоти худро нигоҳ доранд.
Солҳои пеш аз сабаби набудани шароити нигоҳубин қисме аз маҳсулоти бо заҳмат рӯёндаи онҳо талаф меёфт.
Сардхона ба истиқболи 35-солагии Истиқлоли давлатӣ бунёд гардида, масоҳати дохили он дар ду марҳила беш аз 2 ҳазор метри мураббаъро ташкил намуда, дар умум дар он зиёда аз 4 ҳазору 500 тонна меваю сабзавотро ҷойгир кардан имкон дорад.
Масоҳати умумии ҳудуди сардхона 5 ҳазору 200 метри мураббаъро ташкил намуда, он бо дастгоҳҳои худидорашавандаи замони муосир муҷаҳҳаз шудаст.
Дастгоҳҳои замонавӣ аз кишварҳои Туркия ва Италия ворид гардида, ҳарорати дохили сардхонаро аз 5 дараҷа гармӣ то 10 дараҷа хунукӣ нигоҳ медорад. Чунин шароит имкон медиҳад, ки меваю сабзавот тару тоза ва бо сифати аъло нигоҳ дошта шавад.
Бо мавриди истифода қарор гирифтани марҳилаи аввали иншооти мазкур беш аз 10 нафар сокини маҳаллӣ бо ҷойи кори доимӣ ва маоши хуб таъмин шуданд.
АКС: АМИТ «Ховар»
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
