Тоҷикистон ва Фаронса ҳамкориро дар самтҳои илму таълим густариш медиҳанд

Март 29, 2024 14:31

ДУШАНБЕ, 29.03.2024. /АМИТ «Ховар»/. Бо мақсади табодули донишҷӯён дар асоси бурсияҳо Ректори Донишгоҳи миллии Тоҷикистон, профессор Эмомалӣ Насриддинзода бо Сафири Ҷумҳурии Фаронса дар Ҷумҳурии Тоҷикистон Элза Пинёл вохӯрӣ намуд, иттилоъ медиҳад АМИТ «Ховар» бо истинод ба Донишгоҳи миллӣ.

Дар мулоқот ҷонибҳо аз муносибатҳои дуҷонибаи давлатҳо дар соҳаи маориф изҳори қаноатмандӣ намуда, мақсади вохӯриро густариш додани самтҳои илму таълим арзёбӣ намуданд. Зимни мулоқот ҷонибҳо дар самти омӯзиши забони фаронсавӣ, тоҷикӣ ва таҳқиқи осори адибон, табодули муҳаққиқону донишҷӯён, ташкил намудани даврҳои забономӯзӣ ва форумҳои байналмилалӣ табодули афкор намуданд.

Гуфта шуд, ки Донишгоҳи миллии Тоҷикистон ба ҳайси муассисаи пешбари низоми таҳсилоти олии касбии мамлакат дар ҳамкорӣ бо созмонҳои байналмилалӣ пешоҳанг мебошад.

Донишгоҳ на фақат дар ҷумҳурӣ, балки дар минтақа дорои мактаби эътирофгардидаи забоншиносон буда, дар таҳкими робитаҳои илмӣ, омӯзишӣ ва фарҳангӣ нақши муассир дорад.

Дар интиҳо ҷонибҳо барои амалӣ намудани табодули донишҷӯён дар асоси бурсияҳо ба мувофиқа омада, ҳамчун рамзи дӯстӣ туҳфаҳои хотиравӣ тақдим намуданд.

АКС: Донишгоҳи миллии Тоҷикистон

Март 29, 2024 14:31

Хабарҳои дигари ин бахш

Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ба донишҷӯёни Донишгоҳи техникӣ касбҳои соҳаи хоҷагии обро тарғиб намуданд
Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд