ҲАФТАИ ИЛМ. Дар Донишгоҳи байналмилалии забонҳои хориҷии Тоҷикистон конференсияи илмӣ-амалӣ оғоз гардид

Апрель 23, 2024 16:26

ДУШАНБЕ, 23.04.2024 /АМИТ «Ховар»/. Ба ифтихори Рӯзи илми тоҷик дар Донишгоҳи байналмилалии забонҳои хориҷии Тоҷикистон ба номи Сотим Улуғзода таҳти унвони «Самтҳои афзалиятноки пажуҳиши гуманитарӣ ва фанҳои дақиқ дар шароити ҷаҳонишавӣ» конференсияи илмӣ-амалии ҳайати профессорону омӯзгорон, докторантону магистрантон ва донишҷӯён баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.

Дар конференсия ректори донишгоҳ аз дастовардҳои илми тоҷик дар замони соҳибистиқлолӣ ва ташаббусҳои бузургу таърихии Пешвои миллат муҳтарам Эмомалӣ Раҳмон баҳри дастгирии муҳаққиқону олимони ҷавон ёдовар шуд.

Иброз гардид, ки дар донишгоҳ ҳамасола «Ҳафтаи илм» бо баргузории конференсияву машаваратҳои илмӣ дар сатҳи баланд гузаронида мешавад.

Роҳбарияти Кумитаи забон ва истилоҳоти назди Ҳукумати Ҷумҳурии Тоҷикистон оид ба забони тоҷикӣ ва таъриху фарҳанги забони миллӣ сухан гуфт.

Роҳбарияти Кумита китоби «Забони миллат – ҳастии миллат» – и Пешвои миллат муҳтарам Эмомалӣ Раҳмонро беҳтарин асари илмӣ ва таърихӣ номид. Пешниҳод гардид, ки дар донишгоҳ озмуни «Беҳтарин донандаи китоби «Забони миллат – ҳастии миллат»» гузаронида шавад.

Бояд гуфт, ки бахшида ба Рӯзи илми тоҷик ғолибони озмуни донишгоҳии мақолаи беҳтарин дар мавзуи «Наврӯз – рамзи фарҳанги миллии тоҷикон» бо Ифтихорнома ва сипосномаҳои раёсати донишгоҳ қадрдонӣ гардиданд.

Конференсия то 27 апрел идома меёбад.

АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода

Апрель 23, 2024 16:26

Хабарҳои дигари ин бахш

Донишҷӯёни Тоҷикистон имкони дар Донишгоҳи шаҳрсозии Тянҷин идома додани таҳсилро доранд
ТАЪТИЛИ ТОБИСТОНА. Лагери дараи Камароби ноҳияи Рашт 150 хонандаро дар се давр ба истироҳат фаро мегирад
Хонандагони тоҷик дар олимпиадаи байналмилали соҳиби ҷойи дуюм шуданд
Ҳамкории Донишгоҳи техникии Тоҷикистон бо Донишгоҳи илм ва технологияи AGH-и Лаҳистон густариш меёбад
Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад