Ҳамкории Ваколатдор оид ба ҳуқуқи инсон дар Тоҷикистон бо мақомоти давлатии Финляндия густариш меёбад
ДУШАНБЕ, 20.04.2024 /АМИТ «Ховар»/. Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар ҳамоиши сатҳи баланд барои ниҳодҳои миллии ҳифзи ҳуқуқи инсони давлатҳои Осиёи Марказӣ дар шаҳри Хелсинкии Ҷумҳурии Финляндия иштирок менамояд.
Тавре ба АМИТ «Ховар» дар мақомоти Ваколатдор оид ба ҳуқуқи инсон хабар доданд, ҳамоиш аз ҷониби Маркази волоияти қонуни назди Донишгоҳи Хелсинкии Ҳукумати Финляндия ташкил шуда, дар он Ваколатдор оид ба ҳуқуқи инсони (омбудсменҳои) панҷ давлати Осиёи Марказӣ ва Финляндия иштирок доранд.
Дар рӯзи дуюми ҳамоиш Умед Бобозода тибқи барнома оид ба дастовардҳои Ҳукумати Ҷумҳурии Тоҷикистон дар самти ҳифзи ҳуқуқу озодиҳои инсон ва шаҳрванд, қабули санадҳои муҳими стратегии Ҳукумат, алалхусус Стратегияи миллии ҳифзи ҳуқуқи инсон барои давраи то соли 2038, инчунин фармони Президенти Ҷумҳурии Тоҷикистон дар бораи Соли маърифати ҳуқуқӣ эълон гардидани соли 2024 ва дигар иқдоми Ҳукумат дар ин самт сухан гуфт.
Умед Бобозода дар бораи фаъолияти мақомоти Ваколатдор оид ба ҳуқуқи инсон, аз ҷумла вазъи кунунии он, раванди ба даст овардани мақоми «А» тибқи Принсипҳои Париж, ҳамкории байналмилалии мақомот ва дигар масоил низ маълумоти муфассал пешниҳод намуд.
Иштирокдорони ҳамоиш ба мувофиқа расиданд, ки дар оянда бо мусоидати Маркази волоияти қонуни Ҳукумати Финляндия ниҳодҳои миллии ҳифзи ҳуқуқи инсони давлатҳои Осиёи Марказӣ бо Омбудсмен ва дигар ниҳодҳои дахлдори ин давлат ҳамкории зич менамоянд.
Ҳамчунин Ваколатдор оид ба ҳуқуқи инсон дар Ҷумҳурии Тоҷикистон бо Директори Маркази волоияти қонуни Ҳукумати Финляндия хонум Туйя Бракс, Прокурори генералии Финляндия Ари Пекка, Раиси Суди олии Финляндия Кари Куусиниеми, Канслери адлияи Финляндия Микко Пуумалайнен, Омбудсмени Финляндия хонум Майя Сакслин ва Директори генералии муассисаи ислоҳии Хелсинки хонум Анна Арола-Ярви вохӯрӣ намуд.
АКС: Ваколатдор оид ба ҳуқуқи инсон дар Ҷумҳурии Тоҷикистон
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
Дар Тоҷикистон 73 фоизи кормандони соҳаи маориф ва 72 фоизи кормандони тандурустиро занон ташкил медиҳанд
Ҳангоми зиёд шудани чангу ғубор барои ҳифзи саломатӣ тадбирҳои заруриро амалӣ намоед
Экспедитсияи илмии олимону мутахассисони Ҳиндустон дар Тоҷикистон оғоз гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Тоҷикистон 182 деҳаи нав таъсис дода шуд
