«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ДУШАНБЕ, 17.04.2024 /АМИТ «Ховар»/. Дар доираи Ҳафтаи байналмилалии молиявӣ (Global Money Week) дар ноҳияи Файзобод бо иштироки хонандагони муассисаҳои таълимӣ, духтарону занони фаъоли ноҳия ҳамоиши омӯзишӣ баргузор гардид, иттилоъ медиҳад АМИТ «Ховар» бо истинод ба Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк».
Ҳадафи ҳамоиш баланд бардоштани донишҳо ва маърифати молиявии аҳолӣ, хусусан дар самти хизматрасонии бонкӣ мебошад.
Дар ҳамоиш мутахассисони Бонки амонатгузории Ҷумҳурии Тоҷикистон «Амонатбонк» бо рӯнамо дар мавзуи «Замимаи барномаи мобилии «Амонат-мобайл» ва «Кортҳои пардохтии бонкӣ ва дигар воситаҳои пардохтҳои ғайринақдӣ» сухан намуда, ба иштирокдорон доир ба низоми пардохти ғайринақдӣ, барномаи мобилии Амонат-мобайл, ҳамёнҳои электронӣ, кортҳои пардохтӣ, «Интернет-банкинг», пешниҳоди қарз, намуди пасандозҳои бонкӣ ва ғайра маълумот пешниҳод намуданд.
Иштирокдорони ҳамоиши омӯзишӣ ба намуди хизматрасонии бонкӣ мароқ зоҳир намуда, ба саволҳояшон ҷавобҳои мушаххас гирифтанд. Ҳамзамон бо мақсади ҳавасманд намудани иштирокдорони ҳамоиш ба онҳо туҳфаҳо бо рамзи «Амонатбонк» тақдим гардид.
Дар идома иштирокдорони ҳамоиш дар бинои хуштарҳу замонавии филиали №16-и «Амонатбонк» дар ноҳияи Файзобод бо мутахассисони «Амонатбонк» суҳбат намуданд. Ба онҳо оид ба амалиёт ва хизматрасонии бонкие, ки дар ин филиал ба мизоҷон пешниҳод мешаванд, маълумот дода шуд.
АКС: «Амонатбонк»
Рақамикунонии соҳаи нақлиёт яке аз ҷузъҳои меҳварии иқтисоди рақамӣ дар Тоҷикистон аст
Тоҷикистону Бразилия тақвияти ҳамкории соҳаи экология ва ҳифзи муҳити зистро баррасӣ намуданд
Дар Душанбе Форуми байналмилалии заргарӣ ва Намоишгоҳи Тоҷикистон ифтитоҳ гардид
Кормандони Вазорати энергетика ва захираҳои оби Тоҷикистон Наврӯзро ботантана истиқбол намуданд
Имсол дар Тоҷикистон дар беш аз 39 ҳазор гектар картошка кишт карда мешавад
Наврӯзи байналмилалӣ дар Вазорати рушди иқтисод ва савдо таҷлил гардид
Ҷашни Наврӯз дар Вазорати саноат ва технологияҳои нав бо намоиши дастовардҳои истеҳсолӣ, ихтироот ва инноватсия таҷлил шуд
Дар Чин имкониятҳои сайёҳии Тоҷикистон муаррифӣ мешаванд
Сарвари давлат бори дигар шаҳрвандонро даъват намуданд, ки заминҳоро самаранок истифода намоянд
Ҳайати Тоҷикистон дар аввалин таҷлили Рӯзи ҷаҳонии ҳифзи пиряхҳо дар қароргоҳи ЮНЕСКО дар Париж иштирок намуд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Ба муносибати ҷашни Наврӯз дар «Саноатсодиротбонк» ҷаласаи тантанавӣ баргузор шуд
