Аъзои Ҳизби Халқии Демократии Тоҷикистон дар шаҳри Хоруғ соҳиби бинои нав мегарданд
ХОРУҒ, 28.04.2024 /АМИТ «Ховар»/. Аъзои Ҳизби Халқии Демократии Тоҷикистон дар шаҳри Хоруғ соҳиби бинои нав мегарданд. Дар ин хусус хабарнигори минтақавии АМИТ «Ховар» Файз Мирасан хабар медиҳад.
Барои сохтмони бинои Кумитаи иҷроияи Ҳизби Халқии Демократии Тоҷикистон дар маркази вилоят-шаҳри Хоруғ соли 2023 иқдом гирифта шуда, аз моҳи апрел корҳои сохтмонӣ дар ин бино оғоз гардиданд. Фармоишгари сохтмон Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ба ҳисоб рафта, корҳои бунёдиро Ҷамъияти дорои масъулияти маҳдуди «Шариф ШС» аз шаҳри Хоруғ ба уҳда дорад.
Имрӯзҳо дар ин иншооти барои ҳизбиён муҳим 25 бинокори Ҷамъияти дорои масъулияти маҳдуди «Шариф ШС» ба корҳои бунёдӣ машғул буда, аллакай қабати якуми иншоотро ба итмом расониданд ва хиштчинӣ дар ошёнаи дуюм идома дорад. Дар баробари ин аз ҷониби коргарон корҳои андовакунӣ дар утоқҳои кории ошёнаи якум қариб ба итмом расонида шуда, васлу насби хатҳои интиқоли барқ ҳанӯз идома дорад.
Мутобиқи иттилои сардори сохтмон Тилло Машрабов, масолеҳи сохтмонӣ бе ягон душворӣ аз шаҳри Душанбе интиқол дода мешавад. Дар пешбурди корҳо бинокорон аз ноҳияҳои Шуғнону Роштқалъа ва шаҳри Хоруғ саҳм мегузоранд. Музди меҳнати коргарон мутобиқи иҷрои ҳаҷми кор пардохт карда мешавад ва ҳар коргар бештар аз 3 ҳазор сомонӣ музди меҳнат мегирад. Мутобиқи нақша, корҳои сохтмонӣ дар бино аввалҳои моҳи августи имсол ба анҷом расонида шуда, намояндагони Кумитаи иҷроияи Ҳизби Халқии Демократии Тоҷикистон дар шаҳри Хоруғ соҳиби бинои нав гардида, фаъолиятро дар бинои наву замонавӣ оғоз мекунанд.
Бояд гуфт, ки дар амалисозии ҳадафҳои стратегии давлату Ҳукумати Ҷумҳурии Тоҷикистон нақши Ҳизби Халқии Демократии Тоҷикистон мақоми калидӣ дошта, аз ҷониби Раиси муаззами ҳизб- Президенти Ҷумҳурии Тоҷикистон муҳтарам Эмомалӣ Раҳмон барои фаъолияти пурсамари ҳизбиён дар шаҳру навоҳии Вилояти Мухтори Кӯҳистони Бадахшон биноҳои нави кумитаҳои иҷроияи ҳизбӣ бунёд ёфта, шароити кории ҳизбиён комилан беҳбудӣ меёбад.
АКС: АМИТ «Ховар»
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
