Байни Кумитаи миллии олимпии Тоҷикистон ва ширкати «361»-и Чин созишнома ба имзо расид

Апрель 15, 2024 16:19

ДУШАНБЕ, 15.04.2024 /АМИТ «Ховар»/. Дар шаҳри Сиамени Ҷумҳурии Мардумии Чин байни Кумитаи миллии олимпии Тоҷикистон ва Ширкати «361»-и Ҷумҳурии Мардумии Чин Созишномаи сарпарастӣ ба имзо расид.

Тавре АМИТ «Ховар» бо истинод ба Кумитаи миллии олимпии Тоҷикистон хабар медиҳад, созишнома аз ҷониби ноиби президенти Кумитаи миллии олимпии Тоҷикистон ва роҳбари аввали Ширкати «361» ба имзо расонида шуд.

Дар асоси ин созишнома Ширкати «361» ҳайати олимпии Ҷумҳурии Тоҷикистонро дар Бозиҳои 33-юми тобистонаи олимпии Париж – 2024 бо либосҳои расмӣ ва варзишӣ таъмин менамояд.

Зимни баимзорасонии Созишномаи сарпарастӣ ҷонибҳо ҳамчунин масъалаҳои омода намудани тарҳи либоси варзишии ҳайати олимпии мамлакат дар асоси рангҳои Парчами давлатӣ, шумораи либосҳо, андозаҳо, номгӯ, ҳамлу нақли либосҳо ва дигар корҳои ташкилиро мавриди баррасӣ қарор доданд.

Мавриди ёдоварӣ аст, ки дар асоси созишномаи ҳамкории қаблӣ Ширкати «361» ҳайати дастаи ҷумҳуриро дар Бозиҳои Осиёи Ҳангжоу бо либоси варзишӣ таъмин намуда буд.

АКС: Кумитаи миллии олимпии Тоҷикистон

Апрель 15, 2024 16:19

Хабарҳои дигари ин бахш

ИҚДОМЕ, КИ МОЯИ ИФТИХОРИ ҲАР ТОҶИКИСТОНӢ АСТ. Дар Донишгоҳи технологии Тоҷикистон ба ғолибони мусобиқаи футболи хурд ҷоизаҳо супорида шуданд
Рустами Эмомалӣ – ташаббускори сатҳи ҷаҳонӣ дар соҳаи варзиш
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Суғд спартакиадаи вилоятӣ ҷамъбаст шуд
Бахшида ба Рӯзи ҷаҳонии футбол дар Ховалинг мусобиқаҳои гӯштин ва аспдавонӣ доир шуданд
Дар Ховалинг бахшида ба Рӯзи ҷаҳонии футбол мусобиқаҳои варзишӣ доир шуданд
Маҷаллаи машҳури Покистон «The World Ambassador» таҷлили Рӯзи ҷаҳонии футболро инъикос намуд
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо Португалия, Марокаш ва Панама бозӣ мекунад
РӮЗИ ҶАҲОНИИ ФУТБОЛ. Дастаи футболбозони иттифоқи касабаи Донишгоҳи давлатии Бохтар соҳиби Ҷом, медал ва Ифтихорнома шуд
БАХШИДА БА РӮЗИ ҶАҲОНИИ ФУТБОЛ. Дар Донишгоҳи байналмилалии забонҳои хориҷии Тоҷикистон мусобиқа оид ба футболи хурд доир шуд
Дар вилояти Суғд бахшида ба Рӯзи ҷаҳонии футбол бозии рафиқона баргузор гардид
РӮЗИ ҶАҲОНИИ ФУТБОЛ. Нашри махсуси рӯзномаи «Паёми Душанбе» ба ташаббуси глобалии Президенти Федератсияи футболи Тоҷикистон Рустами Эмомалӣ бахшида шуд
Президенти Федератсияи футболи Тоҷикистон Рустами Эмомалӣ дар нахустин фестивали Рӯзи ҷаҳонии футбол дар Душанбе иштирок намуданд