Бо мақсади баланд бардоштани маърифати молиявии аҳолӣ «Амонатбонк» дар Муъминобод ҳамоиш доир намуд
ДУШАНБЕ, 24.04.2024 /АМИТ «Ховар»/. Дар доираи Ҳафтаи байналмилалии молиявӣ (Global Money Week) Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» дар ноҳияи Муъминобод бо мақсади баланд бардоштани маърифати молиявии аҳолӣ ҳамоиш баргузор намуд. Дар ин хусус ба АМИТ «Ховар» дар Бонки амонатгузории Ҷумҳурии Тоҷикистон «Амонатбонк» иттилоъ доданд.
Дар ҳамоиш мутахассисони «Амонатбонк» дар мавзуъҳои «Замимаи барномаи мобилии «Амонат-мобайл» ва «Кортҳои пардохтии бонкӣ ва дигар воситаҳои пардохтҳои ғайринақдӣ» рӯнамо манзур карда, ба иштирокдорони ҳамоиш оид ба низоми пардохти ғайринақдӣ, барномаи мобилии Амонат-мобайл, ҳамёнҳои электронӣ, кортҳои пардохтӣ, «Интернет-банкинг», пешниҳоди қарз, намуди пасандозҳои бонкӣ ва дигар хизматрасонии бонкӣ маълумоти муфассал пешниҳод намуданд.
Иштирокдорони ҳамоиш ва мутахассисони «Амонатбонк» вобаста ба хизматрасонии бонкӣ табодули назар намуданд.
АКС: «Амонатбонк»
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
ҚУРБИ АСЪОР: 1 рубли русӣ аз 0.1000 то 0.1007 сомонӣ муқррар шудааст
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Агентии «S&P Global Ratings» рейтинги соҳибихтиёрии қарзии Тоҷикистонро ба дараҷаи «B+/B» бо дурнамои «устувор» баланд бардошт
