Дар Донишгоҳи давлатии Бохтар бо вакилон вохӯрӣ баргузор гардид

ДУШАНБЕ, 30.04.2024 /АМИТ «Ховар»/. Дар Донишгоҳи давлатии Бохтар ба номи Носири Хусрав дар партави Паёми  Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон вохӯрии вакилони Маҷлиси намояндагони Маҷлиси Олии Ҷумҳурии Тоҷикистон бо ҳайати профессорон, омӯзгорон ва донишҷӯён баргузор гардид. Дар ин хусус АМИТ «Ховар» бо истинод ба Донишгоҳи давлатии Бохтар хабар медиҳад.

Дар мулоқот вакилони Маҷлиси намояндагон оид ба муҳтавои Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон  «Дар бораи самтҳои асосии сиёсати дохилӣ ва хориҷии ҷумҳурӣ», қарору қонунҳои қабулшуда, гирифтани пеши роҳи ҳамроҳшавии  ҷавонон ба ҳизбу ҳаракатҳои ифротгаро ва ғайра сухан гуфтанд.

Зимни мулоқот иштирокдорон ба иҷрои муваффақонаи вазифаҳои хизматӣ, фаъолияти пурсамар, ҳисси баланди ватандӯстӣ, ифтихор аз Ватан ва садоқат ба давлату мардуми Тоҷикистон, таҳкими пояҳои Истиқлолияти давлатӣ, ваҳдати миллӣ, ҳифзи манфиатҳои миллӣ, таҳкими фарҳанги сиёсӣ ва ҳуқуқи ҷомеа даъват шуданд.

 АКС: Донишгоҳи давлатии Бохтар ба номи Носири Хусрав