Дар Душанбе Фестивали «Сайри гули лола» баргузор шуд
ДУШАНБЕ, 01.04.2024 /АМИТ «Ховар»/. Дар Душанбе таҳти унвони «Сайри гули лола» Фестивали гулҳо баргузор шуд.
Тибқи иттилои сухангӯи Сарраёсати ҳифзи муҳити зист дар шаҳри Душанбе Саидаҳмад Акрампур, Фестивали «Сайри гули лола» дар ноҳияҳои Фирдавсӣ, Сино, Исмоили Сомонӣ ва Шоҳмансур то 18 март баргузор шуда, комиссияи шаҳрӣ натиҷаҳои фестивалро то 25 март ҷамъбаст ва ба Комиссияи ҷумҳуриявии фестивал пешниҳод намуд.
Тибқи иттилои шуъбаи ободонӣ ва кабудизоркунии дастгоҳи Раиси шаҳри Душанбе, то имрӯз дар шаҳраку маҳаллаҳо, гулгашту хиёбон, боғҳои фарҳангу фароғатӣ, назди ташкилоту муассиса ва идораҳо ба миқдори 6 миллиону 601 ҳазору 728 дона гули лола шинонида шуд, ки 151,7 дарсади нақшаро ташкил медиҳад.
Бояд гуфт, ки дар мавсими тирамоҳи соли 2023 ва баҳори соли 2024 дар шаҳри Душанбе то имрӯз дар ҳудуди ноҳияҳои пойтахт 9 миллиону 42 ҳазору 790 дона гулҳои мавсимию бисёрсола шинонида шудаанд.
Ёдовар мешавем, ки Фестивали «Сайри гули лола» дар асоси Амри Президенти Ҷумҳурии Тоҷикистон аз соли 2019 инҷониб гузаронида шуда, пойтахти Ҷумҳурии Тоҷикистон –шаҳри Душанбе дар асоси тадбирҳои андешидаи мақомоти шаҳрдорӣ вобаста ба тақвияти корҳои ободонию сабзазоркунӣ ва гулшинонӣ барандаи Шоҳҷоизаи фестивал гардид.
Дар ин зимн ба ифтихори Рӯзи пойтахт Фестивали «Сайри гули лола» бо фароҳам овардани барномаи махсуси фарҳангӣ дар Муассисаи давлатии «Майдони истиқлол» доир гашта, ғолибон қадрдонӣ мегарданд.
АКС: АМИТ «Ховар»
Рустами Эмомалӣ ва Валентина Матвиенко ба «Мактаби таҳсилоти миёнаи умумии ба номи Ю.А. Гагарини шаҳри Душанбе» ташриф оварданд
Шаҳри Душанбе сазовори «Шоҳҷоиза»-и Озмуни ҷумҳуриявии «Беҳтарин шаҳру ноҳия, шаҳраку деҳот, деҳа, маҳали аҳолинишин ва хонаи истиқоматӣ» гардид
Дар шаҳри Душанбе зиёда аз 3 миллион бех лола шинонида мешавад
ОМОДАГӢ БА ЗИМИСТОН. Дар Душанбе таъмини 3300 иншоот бо гармӣ дар назар дошта шудааст
Дар ҳудуди шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
Дар шаҳри Душанбе озмуни «Беҳтарин донандаи китобҳои Пешвои миллат» баргузор мегардад
ТУ ШАҲРИ ГУЛБАДОМОНӢ, ДУШАНБЕ! Дар пойтахт зиёда аз 12 миллион гулҳои мавсимию бисёрсола шинонида мешавад
Дар Душанбе даври дуюми Озмуни ҷумҳуриявии «Ҳунарманди сол» баргузор мегардад
Дар асоси қарори Раиси шаҳри Душанбе Клуби «Волонтёрони экологӣ» таъсис дода шуд
Ҳаракати воситаҳои нақлиёт дар ҳалқаи кӯчаи Дӯстии халқҳо пайваст ба кӯчаи Меҳнат муваққатан қатъ мегардад
«ТУ ҚАЛБИ ТОҶИКИСТОНӢ, ДУШАНБЕ!». Озмуни шаҳрии шеър ва суруди беҳтарин оғоз мегардад
Ҷаласаи навбатии Шурои Маҷлиси намояндагон баргузор шуд
