Дар Душанбе мусобиқаи байналмилалии Гран – Слам оид ба гӯштини ҷудо баргузор мегардад

ДУШАНБЕ, 10.04.2024. /АМИТ «Ховар»/. 3 – 5 май дар Муассисаи давлатии «Қасри теннис ва маҷмааи варзишии обӣ»–и Мақомоти иҷроияи ҳокимияти давлатии шаҳри Душанбе мусобиқаи байналмилалии Гран – Слам оид ба гӯштини ҷудо баргузор мегардад, хабар медиҳад АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе.

Мусобиқа дар асоси қарори Раиси шаҳри Душанбе муҳтарам Рустами Эмомалӣ баргузор шуда, мақсад аз он ташвиқу тарғиби тарзи ҳаёти солим, таъмини оммавияти варзишу солимгардонӣ, рушди варзиши мамлакат, аз ҷумла ҷудо, дарёфти варзишгарони ҷавону ояндадор ва болоравии минбаъдаи шарафи варзиши Тоҷикистони соҳибихтиёр мебошад.

АКС: Федератсияи ҷудои Тоҷикистон