Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
ДУШАНБЕ, 24.04.2024 /АМИТ «Ховар»/. 25-26 апрел дар шаҳри Душанбе бо ташаббуси Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон дар якҷоягӣ бо Фонди миллии «Шоҳроҳи абрешим» ва дастгирии Институти омӯзиши сулҳи Иёлоти Муттаҳидаи Америка конференсияи байналмилалии илмию амалии «Рушди ҳамкории мамлакатҳои Осиёи Марказӣ дар бахши обу энергетика» баргузор мегардад.
Тавре ба хабарнигори АМИТ «Ховар» дар Институти омӯзиши масъалаҳои давлатҳои Осиё ва Аврупо хабар доданд, конференсияи байналмилалӣ дар партави ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон оид ба Даҳсолаи байналмилалии амал «Об барои рушди устувор» ва тибқи нақшаи баргузории чорабиниҳои илмӣ ва илмию техникӣ барои соли 2024 доир мешавад.
Ҳадафи асосии баргузории конференсия ташвиқ ва тарғиби ташаббусҳои Пешвои миллат муҳтарам Эмомалӣ Раҳмон бахшида ба беҳдошти оби ошомиданӣ дар саросари ҷаҳон ва коркарди пешниҳодҳои муфид оид ба пурзӯр намудани ҳамкории минтақавӣ дар соҳаи обу энергетика мебошад.
Дар кори конференсия коршиносон, масъулон ва олимони соҳаи энергетика аз мамлакатҳои Осиёи Марказӣ, Аврупо ва Иёлоти Муттаҳидаи Америка иштирок мекунанд.
АКС: АМИТ «Ховар»
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
