Дар Рӯшон дар масоҳати 46 гектар боғҳои нав бунёд карда мешавад
ХОРУҒ, 07.04.2024 /АМИТ «Ховар»/. Бо мақсади таъмин намудани талаботи аҳолӣ бо маҳсулоти кишоварзӣ Мақомоти иҷроияи ҳокимияти давлатии Вилояти Мухтори Кӯҳистони Бадахшон ва ноҳияи Рӯшон тасмим гирифтаанд, ки соли равон аз ҳисоби заминҳои бекорхобида дар масоҳати 46 гектар боғи нав бунёд намоянд, иттилоъ медиҳад АМИТ «Ховар».
Дар ин самт аллакай корҳои агротехникӣ ба анҷом расонда шуда, барои паст намудани шӯрнокии замин, омода намудани он барои ташкили боғ бо ҷалби техника ва мошинолоти кишоварзӣ шудгори замини зери боғҳои нав оғоз гардид.
Раиси Ҷамоати деҳоти Назаршо Додихудоеви ин ноҳия Муъмин Худоиев ба хабарнигори минтақавии АМИТ «Ховар» Файз Мирасан иброз дошт, ки ба хотири таъмини амнияти озуқаворӣ ва таъкидҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба тағйирёбии босуръати вазъи бозори ҷаҳонии озуқаворӣ ва болоравии мунтазами нархи маҳсулоти ғизоӣ ҳамзамон афзоиш додани истеҳсоли маҳсулоти озуқавории мамлакат таваҷҷуҳи аввалиндараҷа дода мешавад.
Гуфта шуд, ки нахустин маротиба аз ҳисоби заминҳои ғайри корами деҳаи Барзуд бо анҷом додани шудгори 16 гектар замини шӯр замина барои ташкили боғи нав фароҳам оварда шуд.
Сардори қитъаи беҳдошти замини ноҳия Хуҷаазиз Мируллоев дар робита ба иҷрои Барномаи давлатии беҳтар кардани ҳолати милиоративии замин дар ҳудуди ноҳияи Рӯшон изҳор дошт, ки бо дастгирии шуъбаи беҳдошти замини вилоят тоза кардани заҳкашу заҳбурҳо аз аввали моҳи март оғоз гардид. Дар айни замон тамоми техникаву механизмҳои кишоварзӣ ба деҳаи Дерӯшон интиқол дода шуданд ва поксозии заҳбуру заҳкашҳо дар масофаи 20 км оғоз гардид.
Тозакунии заҳкашу забурҳои заминҳои кишоварзии ноҳияи Рӯшон аз соли 2018 ба ин сӯ марҳила ба марҳила анҷом дода шуда, соли 2023 дар масофаи 15 км корҳои тозакунии заҳкашу забурҳо анҷом дода шудааст.
Бояд гуфт, ки барои обёрии заминҳои кишоварзӣ ва боғоти ин ноҳия дар масоҳати 76 км каналҳои обёрикунанда мавҷуд аст ва ин шабакаҳои обрасонӣ дар ҳолати хуби техникӣ қарор доранд.
АКС: АМИТ «Ховар»
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
ИСТИФОДАИ САМАРАНОКИ ЗАМИН. Дар заминҳои кишоварзӣ яхҷуфт идома дорад
Дар Соли нав дар алоқа буданд: чӣ тавр муштариён шаби идро гузарониданд
Имрӯз дар ноҳияҳои алоҳидаи Тоҷикистон туман мефарояд
ЧАРО ТОҶИКИСТОН БА МАСЪАЛАИ ОБ ВА ПИРЯХҲО ТАВАҶҶУҲИ МАХСУС МЕДИҲАД? Пиряхҳои ҷумҳурии мо манбаи ҳаёт барои тамоми Осиёи Марказӣ мебошанд
Кишоварзони шаҳри Ҳисор дар 3 ҳазору 772 гектар замини обӣ шудгор гузарониданд
