Дар шаҳри Хуҷанд клиникаи муосири оилавии муосири 1+1 ифтитоҳ гардид
ДУШАНБЕ, 12.04.2024. /АМИТ «Ховар»/. Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои вилояти Суғд дар маҳаллаи «Бофанда»-и шаҳри Хуҷанд муассисаи муосир- клиникаи оилавии Ҷамъияти дорои масъулияти маҳдуди 1+1 бо фарогирии беҳтарин шароити хизматрасонии тиббӣ ба аҳолӣ мавриди баҳрабардорӣ қарор дода шуд.
Иттилоъ дода шуд, ки клиникаи муосири оилавии 1+1 бо дастгирии соҳибкори маҳаллӣ Хуршед Носиров ва иқдоми табиби ҷавон Абдуҳафиз Шукуров дар ҳамкорӣ бо шарикон аз Федератсияи Русия таъсис дода шуда, ҳадафи он баланд бардоштани сатҳи хизматрасонии тиббӣ дар шаҳри Хуҷанд мебошад.
Гуфта шуд, ки дар натиҷаи дастгирии ҳамаҷониба ва ғамхориҳои ҳамешагии Пешвои миллат муҳтарам Эмомалӣ Рахмон феълан фаъолияти соҳаи тандурустӣ дар шаҳри Хуҷанд рӯ ба рушд ниҳода, пешрафти тибби хусусӣ низ баръало мушоҳида мешавад.
Барои сохта, ба истифода додани ин клиника, ки ба таври муштарак бо мутахассисони барҷастаи соҳаи тиб аз Федератсияи Русия фаъол карда шуд, зиёда аз 6 миллион сомонӣ сармояи дохилӣ сарф гардид. Дар ин муассисаи замонавии тиббӣ 50 мутахассис бо кори доимӣ таъмин шуданд.
Ба муассиса дастгоҳу таҷҳизоти пешрафтаи соҳавӣ аз хориҷи мамлакат ворид карда шудааст. Иншоот аз 28 ҳуҷра иборат буда, дорои 16 кат мебошад. 8 ҳуҷраи муолиҷаву муоинаи беморон бо тамоми шароит фаъолият дошта, ба беморон беҳтарин мутахассисони равияи гуногуни тиббӣ хизмат мерасонанд. Ҳуҷраи физиодармонӣ бо панҷ дастгоҳи замонавӣ ҷиҳозонида шудааст.
Ташаббуси бунёди марказ идомаи тадбирҳои созандагӣ ба муносибати 35-солагии Истиқлолияти давлатии Ҷумҳурии Тоҷикистон мебошад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Дар шаш моҳи соли равон шумораи хизматчиёни давлатӣ аз ҳисоби занон афзоиш ёфтааст
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 10 иншоотро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ Корхонаи истеҳсоли сурмаро ифтитоҳ намуданд
