Дар Варзоб корҳои ободонӣ, соҳилмустаҳкамкунӣ ва ниҳолшинонӣ вусъат меёбанд
ДУШАНБЕ, 10.04.2024 /АМИТ «Ховар»/. Дар ҳудуди ноҳияи Варзоб корҳои ободонӣ, соҳилмустаҳкамкунӣ ва ниҳолшинонӣ гузаронида шуданд, ки дар он кормандони Мақомоти иҷроияи ҳокимияти давлатии ноҳияи Варзоб, ташкилоту муассисаҳои ҳудуди ноҳия, волонтёрон ва сокинон фаъолона иштирок намуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Варзоб хабар медиҳад.
Бо мақсади ба таври доимӣ тозаву озода нигоҳ доштани муҳити зист дар қатори дигар шаҳру ноҳияҳои ҷумҳурӣ дар ноҳияи Варзоб низ корҳои ободонию созандагӣ ва ниҳолшинонӣ мунтазам баргузор мегарданд.
Мақомоти иҷроияи ҳокимияти давлатии ноҳияи Варзоб таҳти роҳбарии раиси ноҳия Хусрав Дамонзода бо ҳисси баланди ифтихори миллӣ ва ҷонибдорӣ аз сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри сазовор истиқбол намудани ҷашни фархундаи миллӣ — 35-солагии Истиқлоли давлатии Ҷумҳурии Тоҷикистон корҳои назаррасро ба анҷом мерасонад.
Чунин шанбегиҳо ва ҳашарҳои умумӣ баҳри ободию зебоӣ ва хуррамгардонии ноҳия минбаъд низ гузаронида мешаванд.
АКС: Мақомоти иҷроияи ҳокимияти давлатии ноҳияи Варзоб
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
