ФУТБОЛ. Бозиҳои даври аввали Чемпионати Тоҷикистон 2024 байни дастаҳои Лигаи олӣ оғоз мешаванд

Апрель 3, 2024 14:15

ДУШАНБЕ, 03.04.2024 /АМИТ «Ховар»/. Дар мавсими имсолаи Чемпионати Тоҷикистон 2024 байни дастаҳои Лигаи олӣ, ки аз 6  апрел то 10  ноябри соли 2024 маротибаи 33-юм доир мегардад, 12 даста иштирок менамояд. Дар ин хусус шореҳи варзиши АМИТ «Ховар»  бо истинод ба Федератсияи футболи Тоҷикистон хабар медиҳад.

Инҳо дастаҳои футболи «Истиқлол», КМВА (ҳарду аз Душанбе), «Равшан» (Кӯлоб), «Эсхата», «Хуҷанд» (ҳарду аз Хуҷанд), «Ҳосилот» (Фархор), «Регар-ТадАЗ» (Турсунзода), «Вахш» (Бохтар), «Куктош» (Рӯдакӣ), «Панҷшер» (Ҷалолиддини Балхӣ), «Истаравшан» (Истаравшан) ва «Барқчӣ» (Ҳисор) мебошанд.

Тибқи низомнома, Чемпионати Тоҷикистон 2024 дар ду давра баргузор мешавад, ки ҳар даста дар майдони худ ва дар меҳмонӣ бо ҳам бозӣ менамоянд. Дар маҷмуъ, ҳар тим 22 бозӣ мегузаронад. Дастае, ки дар мавсими соли 2024 дар Лигаи олӣ мақоми охиринро ишғол менамояд, ба Лигаи якум мегузарад ва бошгоҳе, ки дар мусобиқа ҷойи ёздаҳумро мегирад, бо барандаи медали нуқраи Лигаи аввали Тоҷикистон-2024 бозиҳои гузаришӣ доир мекунад.

Маҳдудият барои бозингарони хориҷӣ дар чемпионати Тоҷикистон бетағйир боқӣ мемонад. Имсол низ ҳар бошгоҳи Лигаи олӣ метавонад то ҳафт бозингари хориҷиро ба ҳайати худ ворид кунад, аммо то панҷ легионер дар як вақт ба майдон иҷозат дода мешавад. Ба ҳайатҳои дастаҳои Лигаи олии Тоҷикистон 63 легионер ё футболбози хориҷӣ дохил шудаанд, ки намояндагони 17 кишвари қораҳои Аврупо, Амрико, Африқо ва Осиё мебошанд.

Танҳо як даста – «Барқчӣ»-и шаҳри Ҳисор, ки асоси  дастаҳои  мунтахаби ҷавонони Тоҷикистон аст, комилан аз ҳисоби футболбозони маҳаллӣ таркиб ёфтааст.

Дар байни давлатҳое, ки футболбозонашон дар Чемпионати Тоҷикистон 2024 иштирок менамоянд, Гана дар мақоми аввал аст. Аз ин кишвари африқоӣ 15 бозингар ба ҳайати бошгоҳҳои Лигаи олии Тоҷикистон дохил шудаанд. Аз Камерун 14 бозингар, Узбекистон — 13, Украина — 6, Булғористону Русия- дунафарӣ барои иштирок дар мусобиқаи Лигаи олии Тоҷикистон омадаанд.  Аз 11 давлат  – Босния ва Ҳерсеговина, Канада, Молдова, Нигерия, Сербия, Танзания, Туркманистон, Фаронса, Хорватия, Ҷопон ва Эрон – якнафарӣ дар чемпионати Тоҷикистон бозӣ менамоянд.

Бозиҳои даври аввали Чемпионати Тоҷикистон 2024

6 апрел | 16:00

«Хуҷанд» – «Эсхата»

«Регар-ТадАЗ» – «Вахш»

«Барқчӣ» – «Равшан»

7 апрел | 16:00

«Ҳосилот» – «Куктош»

«Истиқлол» – «Истаравшан»

«Панҷшер» – КМВА

АКС: Федератсияи футболи Тоҷикистон

Апрель 3, 2024 14:15

Хабарҳои дигари ин бахш

Ҳамкории дуҷониба дар соҳаи варзиш байни Тоҷикистон ва Эрон муҳокима шуд
Байни Тоҷикистон ва Қатар ҳамкорӣ дар соҳаи кор бо ҷавонон ва варзиш тақвият меёбад
ФУТБОЛ. Қуръакашии тақвими Чемпионати Тоҷикистон-2025 баргузор гардид
Рӯзи ҷаҳонии футбол дар Варзишгоҳи марказии шаҳри Душанбе бо иштироки беш аз 500 кӯдак таҷлил мегардад
10 феврал марҳилаи ниҳоии Ҷоми Федератсияи футболи Тоҷикистон-2025 оғоз мешавад
Тоҷикистон ва Чин ҳамкориро дар самти кор бо ҷавонон ва рушди соҳаи варзиш тақвият медиҳанд
Федератсияи футболи Тоҷикистон ҷиҳати иҷрои барномаи «Fifa Talent Development Scheme» силсиламашварат доир намуд
«ГРАНД СЛАМ ДУШАНБЕ-2025». Ин мусобиқаи бонуфуз моҳи май баргузор мегардад
Ширкати «Париматч» дар Тоҷикистон бо як сафир шартномаро тамдид карда, сафири нав қабул намуд
НИШАСТИ МАТБУОТӢ. Соли 2024 варзишгарони ноҳияи Шоҳмансур соҳиби 111 медали тилло гардиданд
НИШАСТИ МАТБУОТӢ. Донишкадаи тарбияи ҷисмонии Тоҷикистон бо 35 донишгоҳи хориҷи дуру наздик ҳамкорӣ менамояд
ЧЕМПИОНАТИ CAFA-2025. Дастаи мунтахаби занонаи футзали Тоҷикистон бо дастаи Қирғизистон бозӣ мекунад