Имрӯз таҳти раёсати Сарвазири Тоҷикистон ҷаласаи дуюми Кумитаи тадорукоти Конфронси сеюми оби Душанбе баргузор гардид
ДУШАНБЕ, 16.04.2024 /АМИТ «Ховар»/. Имрӯз таҳти раёсати Сарвазири мамлакат Қоҳир Расулзода ҷаласаи дуюми кумитаи тадорукоти Конференсияи сеюми байналмилалии сатҳи баланд оид ба татбиқи «Даҳсолаи байналмилалии амал «Об барои рушди устувор, солҳои 2018-2028» баргузор гардид.
Дар ҷаласа нахуст оид ба ҷараёни омодагиҳо, ташкил ва гузаронидани дигар чорабиниҳо дар доираи Конференсияи сеюми Душанбе оид ба масъалаҳои об, тартиби иштирок дар конференсия ва сохтору муҳтавои чорабиниҳои он ҳисоботи роҳбарони вазорату идораҳои дахлдори мамлакат шунида шуд.
Тавре таъкид шуд, дар кори ин чорабинии сатҳи баланди байналмилалӣ, ки 10-13 июни соли 2024 дар пойтахти мамлакат -шаҳри Душанбе баргузор мегардад, иштироки намояндагони воломақоми якчанд давлатҳои ҷаҳон, роҳбарону коршиносон ва таҳлилгарони масоили обу иқлим аз ташкилоту созмонҳои минтақавию байналмилалӣ пешбинӣ гардидааст.
Дар доираи Конференсияи сеюми байналмилалии сатҳи баланд оид ба татбиқи «Даҳсолаи байналмилалии амал «Об барои рушди устувор, солҳои 2018-2028» ҳамчунин баргузории фестивалу форумҳо, муколамаҳо ва чорабиниҳои канории сатҳи баланд вобаста ба масоили обу пиряхҳо ва иқлим ба нақша гирифта шудааст.
Сарвазири мамлакат, раиси кумитаи тадорукоти Конференсияи сеюми байналмилалии сатҳи баланд оид ба татбиқи «Даҳсолаи байналмилалии амал «Об барои рушди устувор, солҳои 2018-2028» аъзои кумитаи тадорукот ва роҳбарони вазорату идораҳои дахлдори мамлакатро барои дар сатҳи баланди омодагӣ ва ташкилӣ гузаронидани ин чорабинии сатҳи баланд, ки ба масъалаи татбиқи ташаббусҳои байналмилалии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар масъалаи обу иқлим бахшида шудааст, вазифадор намуд.
АКС: АМИТ «Ховар»
Талошҳои Президенти Тоҷикистон дар ташаккул ва пешбурди дипломатияи сулҳофарӣ дар муносибатҳои байналмилалӣ назаррасанд
Мусоҳибаи Сафири Ҷумҳурии Тоҷикистон дар Салтанати Умон Зубайдулло Зубайдзода бо рӯзномаи «Умон»
Идибек Қаландар бо муовини Дабири кулли Хадамоти амалиёти хориҷии Аврупо мулоқот намуд
СУЛҲУ ОРОМӢ — АРЗИШИ МУҚАДДАСУ ТАЪРИХӢ. Мулоҳизаҳо дар ҳошияи ташаббусҳои байналмилалии Президенти Тоҷикистон
Дар Теҳрон масоили рушди ҳамкории Тоҷикистон ва Эрон дар соҳаи нақлиёт баррасӣ гардид
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
ПЕШВОИ МИЛЛАТ ВА МАРҲАЛАИ НАВИ ТАҲКИМИ СУЛҲИ ҶАҲОНӢ. Дар ҳошияи қабули Қатъномаи Маҷмаи Умумии СММ оид ба эълони «Даҳсолаи байналмилалӣ оид ба таҳкими сулҳ ба хотири наслҳои оянда»
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
Сафири Тоҷикистон бо роҳбари Раёсати Осиё ва Уқёнуси Ороми Вазорати корҳои хориҷии Олмон мулоқот намуд
Қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» дар Вена муаррифӣ гардид
