Ҷавонписарони ноҳияи Рӯдакӣ ба сафи Артиши миллӣ пайваст шуданд
РӮДАКӢ, 03.10.2023 /АМИТ «Ховар»/. Дар ноҳияи Рӯдакӣ бахшида ба оғози маъракаи даъвати баҳории ҷавонон ба хизмати ҳарбӣ роҳпаймоӣ ва ҳамоиши тантанавии гусели наваскарон ба сафи Қувваҳои Мусаллаҳи Ҷумҳурии Тоҷикистон баргузор гардид. Дар гусели тантанавӣ, ки дар майдони назди муҷассамаи устод Абуабдуллоҳ Рӯдакӣ доир шуд, бо дуои неки модарон 246 ҷавони сарбаланди ноҳияро, ки барои иҷрои қарзи шаҳрвандӣ ба Комиссариати ҳарбии ноҳия ҳозир шуда буданд, ба хизмати Ватан- Модар гусел намуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Дар ҳамоиш иброз гардид, ки хизмат ба Ватан ва ҳимояи марзу буми сарзамини аҷдодӣ шараф ва номуси ҷавонмардӣ буда, қарзу фарз ва вазифаю рисолати шаҳрвандӣ ва имонию виҷдонии ҳар фарди соҳибватан мебошад. Хислатҳои мардонагӣ, шуҷоат, далерӣ, ҳушёрӣ, тоқатпазирӣ ва обутоби ҷисмонию руҳӣ маҳз дар давраи хизмат дар сафи Артиш ташаккул ёфта, камолоти ҷисмонӣ ва равонии ҷавононро таъмин менамоянд. Таҷрибаи зиндагӣ низ собит намудааст, ки ҳар касе, ки дар сафи Артиш сарбаландона хизмат намояд, ҳеҷ вақт дар ҳаёт дучори шикаст намешавад. Ба ибораи дигар, хизмат ба Ватан ҷавонро қавирода, марди комил ва ба тамоми пастию баландиҳои ҳаёт тоқатпазир мегардонад.
Дар ин рӯз ба 187 ҷавони сарбаланди ноҳия, ки даври омӯзишии ронандагиро хатм намудаанд, шаҳодатномаи ронандагӣ супорида шуд.
Минбаъд онҳо дар сафи Артиши миллӣ ҳамчун мутахассис- ронанда хизмат менамоянд.
Зимни ҳамоиш дар самти дастгирӣ ва ҳавасмандгардонӣ ҷавононе, ки ба таври ихтиёрӣ ба хизмат мераванд ва оилаҳои намунавӣ, ки 3-4 фарзандашонро ба хизмати Ватан-Модар равон намудаанд, бо Сипоснома ва туҳфаҳои арзишманд қадрдонӣ шуданд.
Барои фароғати даъватшудагон барномаи ҷолиби фарҳангии иборат аз савту наво ва суруду таронаҳои ватандӯстона манзур шуд.
АКС: Мақомоти иҷроияи ҳокимияти давлатии ноҳияи Рӯдакӣ
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
