ОБОДОНӢ ДАР МАҲАЛ. Дар Ҷамоати деҳоти Кӯлоб пули нав ба истифода дода мешавад
КӮЛОБ, 14.04.2024 /АМИТ «Ховар»/. Дар деҳаи Пахтакори Ҷамоати деҳоти Кӯлоб пули нав ба истифода дода мешавад. Тавре ба хабарнигори минтақавии АМИТ «Ховар» Сулаймон Холзода дар Мақомоти иҷроияи ҳокимияти давлатии шаҳри Кӯлоб хабар доданд, мардуми деҳаи Пахтакор аз надоштани пул танқисӣ мекашиданд. Бо дастгирии мақомоти иҷроияи ҳокимияти давлатии шаҳр, соҳибкорон ва шахсони хайрхоҳу саховатпеша дар деҳа пули нав сохта шуд, ки рӯзҳои наздик ба истифода дода мешавад. Ҳамчунин зиёда аз 1 км роҳ сангфарш карда мешавад.
Зимни шиносоӣ бо ҷараёни сохтмони пул роҳбарияти мақомоти иҷроияи ҳокимияти давлатии шаҳр ба соҳибкорон барои татбиқ намудани дастуру ҳидоятҳои созандаи Пешвои миллат муҳтарам Эмомалӣ Раҳмон миннатдорӣ баён намуданд.
Бояд гуфт, ки бахшида ба ҷашни 35-солагии Истиқлолияти давлатии Ҷумҳурии Тоҷикистон дар шаҳри Кӯлоб корҳои созандагию бунёдкорӣ бо маром идома доранд. Соҳибкорону шахсони саховатпеша бо бунёду навсозии роҳу пулҳо талош доранд дар ободии як гӯшаи диёр саҳм гузоранд.
АКС: АМИТ «Ховар»
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
