ҶОМИ ОСИЁ-2024. Имшаб дастаҳои мунтахаби олимпии Тоҷикистон ва Ироқ бо ҳам бозӣ мекунанд
![](https://khovar.tj/wp-content/uploads/2024/04/tajikistanu23-training-match-doha6-1.jpg)
ДУШАНБЕ, 19.04.2024 /АМИТ «Ховар»/. Дастаи мунтахаби олимпии то 23-солаи Тоҷикистон оид ба футбол дар вохӯрии даври дуюми марҳилаи гурӯҳии Ҷоми Осиё-2024 дар чаҳоргонаи «С» ба муқобили дастаи мунтахаби олимпии то 23- солаи Ироқ бо либосҳои сафед бозӣ мекунад. Дастаи мунтахаби олимпии то 23-солаи Ироқ бо либосҳои сабз ба майдон мебарояд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Ба иттилои манбаъ, бозии даври дуюми марҳилаи гурӯҳии Ҷоми Осиё-2024 байни дастаҳои мунтахаби олимпии Тоҷикистон ва Ироқ имшаб, 19 апрел дар варзишгоҳи «Ал-Ҷануб»-и шаҳри Давҳа баргузор шуда, соати 21:00 ба вақти маҳаллӣ (23:00 ба вақти Душанбе) оғоз мешавад.
АКС: Федератсияи футболи Тоҷикистон