Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
ДУШАНБЕ, 19.04.2024 /АМИТ «Ховар»/. Аз рӯйи натиҷаи музокирот мо як силсила санадҳои навро, ки заминаи ҳуқуқии самтҳои гуногуни ҳамкории гуногунҷанбаи моро ба таври назаррас таҳким мебахшанд, ба имзо расонидем. Дар ин зимн мехоҳам моҳияти таърихии Аҳднома оид ба ҳампаймониро, ки муносибатҳои Тоҷикистону Узбекистонро ба сатҳи сифатан нав мебарорад, бахусус таъкид намоям. Чунин иброз доштанд Президенти Ҷумҳурии Тоҷикистон муҳтарам Эмомалӣ Раҳмон 18 апрел зимни изҳороти матбуотӣ аз натиҷаи гуфтушунидҳо бо Президенти Ҷумҳурии Узбекистон Шавкат Мирзиёев, ки бо сафари давлатӣ дар шаҳри Душанбе қарор доранд.
Президенти Тоҷикистон муҳтарам Эмомалӣ Раҳмон изҳори боварӣ намуданд, ки Аҳднома ба истифодаи боз ҳам васеи зарфияти ҳамкории Тоҷикистону Узбекистон мусоидат намуда, ин санад, ҳамчунин, омили муҳимми таҳкими сулҳу субот дар минтақа — Осиёи Марказӣ хоҳад гардид.
«Мо таъкид кардем, ки соҳаҳои тиҷорату иқтисод аз ҷумлаи самтҳои муҳимтарини муносибатҳои дуҷонибаи мо боқӣ мемонанд. Маҷмӯи масъалаҳоеро, ки ба тавсеаи босифати робитаҳои тиҷоративу иқтисодӣ равона гардидаанд, баррасӣ намуда, дар ин замина қарорҳои дахлдор қабул кардем»,-хотирнишон намуданд Пешвои миллат.
Ёдовар мешавем, ки 18 апрел пас аз анҷоми мулоқоту музокироти сатҳи олии Тоҷикистону Узбекистон дар Қасри миллат маросими табодули санадҳои нави имзошудаи ҳамкорӣ баргузор гардид.
Дар маҷмуъ аз рӯи натиҷаҳои вохӯрӣ 28 санад ба имзо расид. Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев ба Аҳдномаи ҳампаймонӣ байни Ҷумҳурии Тоҷикистон ва Ҷумҳурии Узбекистон имзо гузоштанд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Қоҳир Расулзода бо директори Бюрои рушди телекоммуникатсияи Иттиҳоди байналмилалии телекоммуникатсия Космас Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Дар Давҳа 35-солагии Истиқлоли давлатии Тоҷикистон таҷлил гардид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
Дар Ню-Йорк омодагӣ ба Конфронси оби СММ – 2028 дар шаҳри Душанбе баррасӣ гардид
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
Таҳти ҳамоҳангсозии Тоҷикистон ҷаласаи сафирони Гурӯҳи кишварҳои рӯ ба тараққии маҳсур дар хушкӣ доир гардид
