ҲАФТАИ БАЙНАЛМИЛАЛИИ МОЛИЯВӢ. Дар ноҳияи Мастчоҳ бо иқдоми «Амонатбонк» ҳамоиши омӯзишӣ доир гардид
ДУШАНБЕ, 01.05.2024 /АМИТ «Ховар»/. Дар доираи Ҳафтаи байналмилалии молиявӣ (Global Money Week) дар ноҳияи Мастчоҳи вилояти Суғд бо иштироки занони фаъол, ҳунармандон ва хонандагони муассисаҳои таҳсилоти миёнаи умумӣ бо ташаббуси Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» ҳамоиши омӯзишӣ баргузор гардид.
АМИТ «Ховар» бо истинод ба Бонки амонатгузории Ҷумҳурии Тоҷикистон иттилоъ медиҳад, ки ҳадафи чунин ҳамоишҳо дар ноҳияҳои дурдасти мамлакат баланд бардоштани маърифати молиявии аҳолӣ мебошад.
Дар ҳамоиш мутахассисони «Амонатбонк» оид ба тарзу усули истифодаи «Замимаи барномаи мобилии «Амонат-мобайл» ва «Кортҳои пардохтии бонкӣ ва дигар воситаҳои пардохтҳои ғайринақдӣ» рӯнамо манзур намуданд. Онҳо ба иштирокдорони ҳамоиш оид ба низоми пардохти ғайринақдӣ, барномаи мобилии «Амонат-мобайл», ҳамёнҳои электронӣ, кортҳои пардохтӣ, «Интернет-банкинг», пешниҳоди қарз ва намуди пасандозҳои бонкӣ маълумот пешниҳод карданд.
Дар идома байни иштирокдорони ҳамоиш ва масъулини «Амонатбонк» вобаста ба хизматрасонии бонкӣ саволу ҷавоб доир шуд.
АКС: «Амонатбонк»
ҚУРБИ АСЪОР: 1 рубли русӣ аз 0.1020 то 0.1098 сомонӣ муқаррар шудааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
Дар «Саноатсодиротбонк» 35-солагии Истиқлоли давлатӣ таҷлил гардид
Кормандони «Саноатсодиротбонк» бо мукофотҳои давлатӣ сарфароз гардиданд
Тоҷикистон ва Кувайт ҳамкории байнибонкиро тақвият медиҳанд
ҚУРБИ АСЪОР: 1 доллари ИМА аз 9.1800 то 9.2486 сомонӣ муқаррар шудааст
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
