Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид

Май 24, 2024 17:41

РОҒУН, 24.05.2024. /АМИТ «Ховар»/. Дар маркази шаҳри Роғун бахшида ба Рӯзи ҷавонони Тоҷикистон роҳпаймоии идона баргузор гардид, ки дар он зиёда аз 2500 нафар бо бардоштани Парчами давлатии Ҷумҳурии Тоҷикистон фаъолона иштирок намуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Роғун иттилоъ доданд.

Дар ҳамоиш иброз гардид, ки ҷавонони шаҳри Роғун дар таҳкими ваҳдати миллӣ ва ватандӯстию ҳифзи амнияти Ватан нақши сазовор доранд.

Ҳукумати Тоҷикистон ҳанӯз соли 1992 бо назардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки ин иқдом нишонаи возеҳи таваҷҷуҳи махсуси давлат ба наврасону ҷавонон мебошад. Ҷавонони шаҳри Роғун дар ҷавоб ба ғамхориҳои доимии Президенти Ҷумҳурии Тоҷикистон муҳтарам Эмомалӣ Раҳмон дар баробари аз худ кардани донишҳои замонавӣ дар мусобиқаву чорабиниҳои гуногуни фарҳангии сатҳи ҷумҳуриявӣ низ фаъолона иштирок намуда, сазовори ҷойҳои намоён мегарданд ва Парчами Тоҷикистони азизро парафшон менамоянд.

Директори муассисаи таълимии яки шаҳри Роғун Парвина Иброҳимова иброз дошт, ки «Пешвои миллат дар ҳар суханронияшон таъкид менамоянд, ки «мо бо ҷавонони созандаамон ифтихор мекунем, чунки ҷавонони даврони соҳибистиқлолии Ватанамон имрӯз бо нангу номуси миллӣ, ташаббусҳои шоиста ва эҳсоси баланди ватандӯстӣ дар рушди Тоҷикистон ҳиссаи арзишманд мегузоранд ва ба Ватан-Модар содиқона хизмат мекунанд»».

Иброз гардид, ки барои ҷавонон мояи ифтихор аст, ки давоми солҳои соҳибистиқлолӣ таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақому мавқеи ҷавонон дар ҷомеа ба маротиб баланд гардида, ҷалби онҳо ба корҳои ҷамъиятиву идоракунӣ саҳми ин қишри фаъоли ҷамъиятро дар пешрафту ободии мамлакат бештар намуд.

Самараи неки истиқлол ва баракати сулҳу ваҳдати миллӣ аст, ки имрӯз ҷавонони Ҷумҳурии Тоҷикистон дар тамоми соҳаҳо пешсаф буда, дар дохили мамлакат ва берун аз он низ ба дастовардҳои баланд ноил мегарданд.

АКС: Мақомоти иҷроияи ҳокимияти давлатии шаҳри Роғун

Май 24, 2024 17:41

Хабарҳои дигари ин бахш

Суратгузориш аз рафти саёҳати матбуотии хабарнигорони Чин дар Тоҷикистон
30 ҚАДАМИ СОЗАНДА ДАР АМРИ ВАТАНСОЗӢ. Таҳти ин унвон дар Ҳисор Фестивал – озмуни «Ташкилоти беҳтарини сол» баргузор мешавад
Саёҳати матбуотии бомувафаққи хабарнигорони рӯзномаи «Жэнмин Жибао» дар пойтахти Тоҷикистон
Дар Академияи ВАО-и Тоҷикистон вобаста ба самти сохтмон, меъморӣ ва шаҳрсозӣ машғулияти омӯзишӣ оғоз шуд
«ИЛОҶИ ВОҚЕА ПЕШ АЗ ВУҚУЪ». Ҳангоми оббозӣ қоидаҳои бехатариро риоя карда, фарзандонро беназорат нагузоред!
САЛОМ, ТОБИСТОН! Истироҳатгоҳи «Шабдез»-и ноҳияи Роштқалъа ба қабули наврасон шуруъ мекунад
Операторро иваз кардан мехоҳам. Чӣ тавр рақамҳои лозимиро гум накунем?
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Душанбе, Кӯлоб ва Ховалинг ба 2200 ниёзманд кумак расонида шуд
«СУҒД-2024». Дар ин ярмаркаи байналмилалӣ 500 нафар меҳмон аз дохил ва хориҷи Тоҷикистон иштирок менамояд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид