Бахшида ба Рӯзи байналмилалии ҳифзи кӯдакон дар Суғд ба дидани кӯдакони маъюб рафтанд
СУҒД, 31.05.2024. /АМИТ «Ховар»/. 29 май Раиси вилояти Суғд ва Раиси шаҳри Хуҷанд ба муносибати Рӯзи байналмилалии ҳифзи кӯдакон ба манзили якчанд кӯдаке, ки бо амри тақдир маъюб шудаанд, рафтанд. Дар ин хусус ба АМИТ «Ховар» дар хадамоти матбуоти Раиси шаҳри Хуҷанд хабар доданд.
Иброз гардид, ки Тоҷикистони соҳибистиқлол дар ҷаҳон аз рӯйи нишондиҳандаҳои синну сол яке аз давлатҳои ҷавон ба ҳисоб рафта, фоизи беши сокинони мамлакатамонро кӯдакону наврасон ташкил медиҳанд. Онҳо таҳти ғамхории доимии давлат ва Ҳукумати мамлакат қарор доранд. Зеро Тоҷикистон тибқи Конститутсия давлати иҷтимоӣ буда, барои ҳифзи иҷтимоии кӯдакону наврасон, аз ҷумла гурӯҳҳои ниёзманду камбизоати аҳолӣ вазифадор мебошад. Ҳамаи кӯдакони мамлакат узви соҳибҳуқуқи ҷомеаи мо буда, ба табобат, таҳсил ва фароғат ҳуқуқи комил доранд.
Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон ба ҳаёту фаъолияти маъюбону ятимон диққати махсус зоҳир намуда, мунтазам чунин нафаронро дастгирӣ менамоянд. Пешвои миллат барои дастгирии ятимон аз тамоми имконият истифода бурда, зимни сафарҳои кориашон дар шаҳру ноҳияҳои вилоят доимо аз аҳволи онҳо бохабар мешаванд.
Роҳбари вилоят кӯдаконро даъват намуд, ки бо истифода аз имконоти фароҳамнамудаи давлату ҳукумат бо баҳои хубу аъло таҳсил намоянд. Таъкид шуд, ки Мақомоти иҷроияи ҳокимияти давлатии вилоят низ дар пайравӣ ба иқдоми инсондӯстонаи Сарвари давлат мунтазам барои дастгирии кӯдакони бемору маъюб ва ниёзманд тадбирҳои зарурӣ амалӣ месозад ва минбаъд низ хурдсолонро ба кумаку ғамхорӣ фаро мегирад.
Ба аёдатшудагон маводи ғизоӣ ва туҳфаҳои хотиравӣ тақдим карда шуд.
АКС: Хадамоти матбуоти Раиси шаҳри Хуҷанд
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
