Байни Бонки миллии Тоҷикистон ва Бонки марказии Ҷумҳурии Узбекистон Созишномаи ҳамкорӣ ба имзо расид
ДУШАНБЕ, 01.05.2024 /АМИТ «Ховар»/. Байни Бонки миллии Тоҷикистон ва Бонки марказии Ҷумҳурии Узбекистон дар соҳаи назорати фаъолияти ташкилоти қарзӣ Созишнома ба имзо расид, хабар медиҳад АМИТ «Ховар» бо истинод ба Бонки миллии Тоҷикистон.
Ин санад ба густариши ҳамкории мутақобила тавассути ҳамоҳангсозии назари тарафҳо оид ба масъалаҳои танзим ва назорати фаъолияти ташкилоти қарзии молиявӣ, расмиёти иҷозатномадиҳӣ, бозрасӣ, идоракунии ҳолатҳои буҳронӣ, назорат дар маҳал ва назорати фосилавӣ мусоидат менамояд. Инчунин паҳлуи дигари ин санад ба назорати раванди қабул ва коркарди ҳисоботи молиявӣ, ошкор кардан ва мониторинги хавфҳо дар фаъолияти ташкилоти қарзӣ, татбиқ ва корбурди стандартҳои Кумитаи Базел оид ба назорати бонкӣ, гузаронидани санҷишҳои фаъолияти ташкилоти қарзӣ ва мубодилаи иттилоот нигаронида шудааст.
Созишнома дар доираи баргузории ҷаласаҳои баҳории давлатҳои аъзои Хазинаи Байналмилалии Асъор ва Гурӯҳи Бонки ҷаҳонӣ аз ҷониби раиси Бонки миллии Тоҷикистон ва раиси Бонки марказии Ҷумҳурии Узбекистон ба имзо расид.
Зимни имзои ин санад роҳбарони бонкҳо масъалаҳои муҳимми низоми бонкию молиявӣ ва густариши ҳамкории минбаъда дар самти мубодилаи маълумот ва таҷрибаро баррасӣ намуданд.
АКС: Бонки миллии Тоҷикистон
Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст
Дар Душанбе рушди тиҷорати дуҷониба байни Тоҷикистон ва Латвия баррасӣ гардид
Ноиби Президенти Бонки Осиёии рушд НБО «Роғун»-ро ҳамчун рамзи пешрафт ва ояндаи дурахшони минтақа арзёбӣ намуд
Муовини якуми Президенти Ҷумҳурии Зимбабве бо корҳои сохтмонӣ дар Неругоҳи барқи обии «Роғун» шинос шуд
Самтҳои муҳим ва афзалиятноки ҳамкории Бонки миллии Тоҷикистон бо Бонки ҷаҳонӣ баррасӣ гардид
Юсуф Маҷидӣ: «Ҷалби маблағ барои ҳифзи пиряхҳо омили асосии рушди устувори иқтисодиёт аст»
Тоҷикистону Булғористон хостори тақвияти ҳамкорӣ дар соҳаи саноат ва технологияҳои муосир шуданд
Ҳоким Холиқзода бо муовини Вазири корҳои хориҷии Ҷумҳурии Индонезия Носир Арманата вохӯрӣ намуд
Мулоқоту музокироти Тоҷикистону Эрон баргузор гардид
Форуми муколамаи вазирон дар заминаи устувории иқлим, ҳифзи пиряхҳо ва ҳамкорӣ дар соҳаи об баргузор шуд
Вазирон ва олимон дар Душанбе масоили обшавии пиряхҳо ва амнияти минтақавиро дар соҳаи об баррасӣ намуданд
Дар Тоҷикистон ҷамъоварии ҳосили гандум оғоз шуд
