Дар ҷаласаи 28-уми Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил вазъи муҳоҷират баррасӣ шуд
ДУШАНБЕ, 28.05.2024 /АМИТ «Ховар»/. Имрӯз дар шаҳри Душанбе ҷаласаи 28-уми Шурои роҳбарони мақомоти муҳоҷирати давлатҳо-иштирокчиёни Иттиҳоди Давлатҳои Мумтақил доир шуд, ки дар кори он масоил оид ба вазъи муҳоҷират, тағйирот дар қонунгузории миллӣ дар соҳаи муҳоҷират ва амалияи ҳуқуқии мақомоти муҳоҷирати давлатҳои иштирокчии Иттиҳоди Давлатҳои Мустақил ва ҷараёни омодасозии санадҳои намунавии қонунгузорӣ дар соҳаи муҳоҷират ва дигар масъалаҳои ҷорӣ муҳокима гардиданд, иттилоъ медиҳад АМИТ «Ховар».
Вазири меҳнат, муҳоҷират ва шуғли аҳолии Ҷумҳурии Тоҷикистон Гулнора Ҳасанзода иброз намуд, ки ин шуро бо мақсади танзими равандҳои муҳоҷират ва пайомадҳои он барои рушди иқтисодӣ ва амнияти миллии давлатҳои иштирокчии Иттиҳоди Давлатҳои Мустақил таъсис дода шудааст.
Дар кори ҷаласа намояндагон аз Арманистон, Беларус, Қазоқистон, Қирғизистон, Озарбойҷон, Туркманистон, Узбекистон, Федератсияи Русия, Кумитаи иҷроияи Иттиҳоди Давлатҳои Мустақил, Ассамблеяи байнипарлумонии давлатҳои иштирокдори Иттиҳоди Давлатҳои Мустақил ва Конфедератсияи умумии иттифоқҳои касаба иштирок намуданд.
Ҳамчунин дар ҷаласа маърузаҳо оид ба натиҷаҳои иҷрои Барномаи байнидавлатии тадбирҳои муштараки мубориза бо ҷинояткорӣ барои солҳои 2019-2023 дар самти мубориза бо муҳоҷирати ғайриқонунӣ, таҷрибаҳо дар бастан ва татбиқи шартномаҳои байналмилалӣ дар бораи реадмиссия, таҷрибаи хадамотҳои муҳоҷират аз рӯйи принсипи «равзанаи ягона» ва рақамисозии онҳо пешниҳод карда шуд.
Дар доираи баргузории ҷаласа Ёддошти тафоҳум оид ба ҳамкорӣ байни Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил ва Маркази зиддитеррористии давлатҳои иштирокчии Иттиҳоди Давлатҳои Мустақил ба имзо расид.
Бояд гуфт, ки шакли асосии кори Шуро баргузории ҷаласаҳои мунтазам мебошад, ки дар онҳо масъалаҳо ва ҳуҷҷатҳои марбут ба ду соҳаи асосии ҳамкорӣ дар самти муҳоҷират баррасӣ карда мешаванд. Инҳо мусоидат ба муҳоҷирати меҳнатии қонунӣ, инчунин иштирок дар таҳия ва татбиқи чораҳо оид ба мубориза бо муҳоҷирати ғайриқонунӣ ба ҳисоб мераванд.
Бо ташаббуси шуро заминаи шартномавӣ-ҳуқуқии ҳамкорӣ дар иттиҳод дар соҳаи муҳоҷират таъсис ва такмил меёбад.
Ёдовар мешавем, ки баъд аз кори ҷаласа дар шаҳри Душанбе маросими ифтитоҳи намояндагии Корхонаи воҳиди давлатии федеролии «Хадамоти шиноснома ва раводид»-и Вазорати корҳои дохилии Федератсияи Русия баргузор мегардад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
