Дар Чин шумораи бар асари фурӯравии қитъаи роҳи баландсуръат ҳалокшудагон ба 36 нафар расид
ДУШАНБЕ, 02.05.2024 /АМИТ «Ховар»/. Дар натиҷаи фурӯравии қитъаи роҳи баландсуръат дар музофоти Гуандун дар ҷануби Чин 36 нафар ба ҳалокат расид. Тавре АМИТ «Ховар» бо истинод ба ТАСС иттилоъ медиҳад, дар ин хусус «Синхуа» хабар додааст.
Қаблан дар бораи 24 ҳалокшуда ва 30 захмӣ хабар расида буд.
Ин ҳодиса шоми чоршанбе дар шаҳри Мэйчжоу рух дод, ки зимни он 18 мошин аз роҳ ба чоҳи азим афтоданд. Дар наворҳое, ки расонаҳои Чин нашр намудаанд, дида мешавад, ки баъзе мошинҳо ҳангоми афтидан оташ гирифтаанд. Дарозии қитъаи фурӯравии роҳ тақрибан 18 метр ва майдони он тақрибан 184 метри мураббаъро ташкил медиҳад.
Мақомоти маҳаллӣ изҳор намуданд, ки сабаби фурӯ рафтани шоҳроҳ эҳтимол боронҳои шадиде бошанд, ки аз ҳафтаи гузашта вилояти Гуандунро фаро гирифтаанд.
АКС аз манбаъҳои боз
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
