Дар қисмҳои ҳарбӣ маросими савгандёдкунии аскарон баргузор шуд

Май 25, 2024 17:47

ДУШАНБЕ, 25.05.2024 /АМИТ «Ховар»/. Тавре АМИТ «Ховар» қаблан иттилоъ дода буд, дар баробари даъвати баҳории шаҳрвандон ба хизмати аскарӣ ҳамчунин дар ҷузъу томҳои Қувваҳои Мусаллаҳи мамлакат баъд аз худ кардани машқҳои омодагӣ ва дарсҳои фаннии «Ҷанговари ҷавон» маросими савгандёдкунии наваскарон баргузор карда мешавад.

Чанде қабл дар яке аз қисмҳои ҳарбии Қӯшунҳои хушкигарди Қувваҳои Мусаллаҳи Ҷумҳурии Тоҷикистон маросими савгандёдкунии сарбозон баргузор карда шуд. Аскарон давоми беш аз як моҳи хизмати аскарӣ меъёрҳои оинномавӣ ва дигар уҳдадориҳои ҳарбиро аз худ карда, барои ёд намудани Савганди ҳарбӣ омода шудаанд. Аскарон Савганди ҳарбӣ ёд мекунанд ва ҳамчун сарбозони комилҳуқуқи Артиши миллӣ тамоми вазифаву уҳдадориҳои ҳарбиву хизматиро мустақилона иҷро менамоянд, зеро то аскар Савганди ҳарбӣ ёд накунад, наметавонад уҳдадориҳои харбии худро иҷро кунад.

Маросими савгандёдкунии наваскарони қисми ҳарбии Қӯшунҳои хушкигарди Қувваҳои Мусаллаҳи Ҷумҳурии Тоҷикистон дар асоси муқаррароти Оиномаи сафороии Қувваҳои Мусаллаҳи мамлакат бо даровардани Байрақи ҷангӣ ва садо додани Суруди миллӣ оғоз гардид.

Ҳар аскар дар назди масъулини роҳбарикунандаи навъи қӯшун, афсарони қисми ҳарбӣ ва падару модарон савганд ёд намуда, қавл дод, ки сарбози содиқу бошарафи Ватан боқӣ монда, на танҳо давоми хизмат, балки тамоми умр баҳри таъмини суботу амнияти мамлакат хизмат мекунад. Зеро, ҳимояи давлат ва ҷомеа, таъмини амнияти шахс вазифаи сарбозони Ватан — ҷавонони бонангу ор мебошад. Аскарон садоқату самимияти худро зери Байрақи ҷангии қисми ҳарбӣ бо ибораи басе ҳам пурифтихор- хизмати содиқона ба халқу Ватан ифода карда, бо шараф хондан ба Сарфармондеҳи Олии Қувваҳои Мусаллаҳ изҳор доштанд, ки дар ин роҳи пуршараф ва мояи ифтихору сарфарозӣ қадамҳои устувор мегузоранд ва хизмати масъулиятноки низомиро сарбаландона пеш мебаранд.

Дар идомаи маросими тантанавӣ ҳайати роҳбарикунанда, намояндагони бахшу соҳаҳои гуногуни ҷомеа ва волидону наздикони сарбозон фарзандони далеру шуҷои Ватанро ба муносибати қабули Савганди ҳарбӣ самимона табрик гуфта, таъкид доштанд, ки маҳз бо шарофати садоқату ҷасорати касбӣ, фидокориву ҷоннисорӣ ва хизматҳои шабонарӯзии хизматчиёни ҳарбӣ дар сарзамини мо сулҳу субот пойдор ва зиндагии осоишта идома дорад.

Дар маркази матбуоти Вазорати мудофиаи мамлакат ба АМИТ «Ховар» иттилоъ доданд, ки маросими савгандёдкунии аскарон ҳамчунин дар қисмии низомии дигар гузаронида шуд. Аскарони ин қисми низомӣ пас аз бомуваффақият сипарӣ намудани даври якмоҳаи аскарӣ дар назди масъулини ин воҳиди низомӣ, падару модарон ва дигар меҳмонони чорабинӣ савганд ёд намуданд. Маросими савгандёкунии ин гурӯҳи наваскарон бо риояи қоидаи гузаронидани чорабиниҳои низомиён, ки бо садо додани Суруди миллӣ ва ворид кардани Байрақи ҷангӣ оғоз карда мешавад, идома ёфт.

Дар ин рӯз сарбозони даъватшуда дар майдони қисми ҳарбӣ саф ороста, яке пайи ҳам назди афсарон савганд ёд намуданд. Онҳо бо ёд намудани Савганди ҳарбӣ қавл доданд, ки дар иҷрои вазифа ва уҳдадориҳои ҳарбии худ то нафаси охирин содиқ монда, баҳри ҳифзи марзу бум ва пос доштани муқаддасоти Ватан хизмати содиқона мекунанд.

Воқеан ҳам дар раванди авҷ гирифтани хатарҳои глобалӣ, густариши ҷинояткории фаромиллӣ ҷавононро мебояд дар таҳкими ваҳдату ягонагӣ ва суботу оромии Тоҷикистон ҳамеша қадамҳои устувор гузошта, савганди садоқати ба Ватан ёд намудаи худро гиромӣ доранд. Савганди ҳарбӣ ҳар сарбозро водор мекунад, ки давоми хизмати ҳарбӣ бо номуси фарзандӣ ва ғурури ҷавонмардона вазифаи конститутсиониашро сарбаландона адо намояд.

Маросими савгандёдкунии аскаронро аҳли фарҳангу ҳунар бо суруду оҳангҳои дилнишин хотирмон гардониданд.

АКС: АМИТ «Ховар»

Май 25, 2024 17:47

Хабарҳои дигари ин бахш

Раёсати Шурои ҳамоҳангсозии мақомоти зиддимухаддиротии СААД дар соли 2027 ба Тоҷикистон гузашт
Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид