Дар Маҷлиси намояндагони Маҷлиси Олии Ҷумҳурии Тоҷикистон бо ҳайати парлумони Бундестаг мулоқот доир шуд
ДУШАНБЕ, 04.05.2024. /АМИТ «Ховар»/. Имрӯз раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон, Раиси гурӯҳи дӯстии Маҷлиси намояндагон бо Парлумони Бундестаги Олмон Насиба Содиқӣ бо ҳайати вакилони парлумони Бундестаги Олмон таҳти раёсати Манфред Грунд ва ҳайати ҳамроҳонаш мулоқот намуд. Дар ин хусус АМИТ «Ховар» бо истинод ба Маҷлиси намояндагон хабар медиҳад.
Иброз гардид, ки аз давраи барқарор гардидани муносибатҳои дипломатии Тоҷикистон ва Олмон дар натиҷаи кӯшишҳои муштарак муносибатҳои дуҷониба бемайлон рушд доранд.
-Маҷлиси намояндагони Маҷлиси Олии Ҷумҳурии Тоҷикистон барои тақвияти ҳамкории судманд бо парламентҳои кишварҳои олам, аз ҷумла бо парлумони Бундестаг таваҷҷуҳи махсус зоҳир менамояд. Ба таври муназзам гузаштани чунин робитаҳо далели дарки муносиби арзишҳо ва ҳадафҳои сиёсати хориҷии пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби намояндагони мардумӣ мебошад, зеро эҷоди алоқаҳои мутақобили судманд, тавсеаи ҳамкорӣ, робитаҳои ҳасана бо дигар кишварҳо меҳвари асосии ин сиёсатро ташкил медиҳад. Ширкату тамосҳои пайваста ва ҳирфаии намояндагони мардумӣ дар сатҳҳои гуногун метавонанд барои наздик сохтани мавқеи давлатҳо дар ҳалли масъалаҳои ҷавобгӯ ба манфиатҳои Ҷумҳурии Тоҷикистон кумак намоянд ва боиси эҷоди заминаҳои муносиби меъёрии ҳуқуқии муносиб дар ин самт шаванд,-изҳор гардид дар мулоқот.
Гуфта шуд, ки Парлумони Тоҷикистон ниҳоят ҷавон буда, аз соли 2000 дупалатагӣ аст ва бешубҳа, дар ин росто омӯхтани таҷрибаи дигар кишварҳо, ки таҷрибаи бисёрасраи парламентаризм доранд, зарур ва муфид мебошад.
Изҳор гардид, ки дар Маҷлиси намояндагон бо парлумонҳои дигар кишварҳо, аз ҷумла парлумонҳои Иттиҳоди Аврупо гурӯҳҳои дӯстӣ ва ҳамкорӣ таъсис дода шудаанд.
Муносибатҳои байнипарлумонии Тоҷикистон ва Олмон, тавре маълум аст, ба рушди муносибатҳо дар тамоми соҳаҳо, аз ҷумла барои таҳкими робитаҳои иқтисодӣ аҳамияти бузург доранд. Тоҷикистон ва Олмонро муносиботи нек ба ҳам наздик мекунанд.
Дар охири мулоқот изҳори умедворӣ карда шуд, ки баргузории чунин вохӯриҳо дорои натиҷаҳои мушаххас буда, ба манфиати мардумони ду давлат равона шудаанд.
Манфред Грунд изҳор намуд, ки «самти муҳимтарини афзалиятноки сиёсати байналмилалии мо минбаъд низ густариш ва рушд додани робитаҳои байнипарлумонӣ бо Маҷлиси намояндагони Ҷумҳурии Тоҷикистон маҳсуб мешавад. Мо ин муносибатҳоро таҳким мебахшем».
АКС: Маҷлиси намояндагони Маҷлиси Олии Ҷумҳурии Тоҷикистон
Созишномаи қарзӣ байни Ҷумҳурии Тоҷикистон ва Бонки исломии рушд вобаста ба лоиҳаи таҷдиди роҳ ба тасвиб расид
Дар Душанбе таҳкиму тавсеаи робитаҳои байнипарлумонӣ байни Тоҷикистон ва Чин баррасӣ гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Раиси Маҷлиси Шурои исломии Ҷумҳурии Исломии Эрон Муҳаммадбоқир Қолибоф барқияи изҳори тасаллӣ ирсол намуданд
Дар Маҷлиси намояндагони Маҷлиси Олии Ҷумҳурии Тоҷикистон машварати корӣ баргузор гардид
Дар Душанбе раисони кумитаҳои Маҷлиси намояндагон ва намояндагони Бонки ҷаҳонӣ мулоқот намуданд
ҚАБУЛИ ҚОНУНИ МИЛЛӢ ДАР ТАҲРИРИ НАВ. Он ба таҳкими сатҳи маънавиёти шаҳрвандон ва некуаҳволии шахс, оила ва ҷомеа равона шудааст
ҚОНУНИ МИЛЛӢ ДАР ТАҲРИРИ НАВ ҚАБУЛ ГАРДИД. Акнун тарбияи кӯдак аз ҷониби се ниҳоди иҷтимоӣ — оила, мактаб ва ҷомеа амалӣ мешавад
Ҳамкории байнипарлумонии Тоҷикистон бо Узбекистон ва Қатар баррасӣ шуд
Вакилони Парлумони Тоҷикистон дар ҳамоиш оид ба ҳифзи арзишҳои демократӣ дар шаҳри Брюссел иштирок доранд
Мавсума Муинӣ дар доираи Форуми занони Осиё бо Танзила Норбоева мулоқот намуд
Мавсума Муинӣ: «Ҳукумати Тоҷикистон баҳри таъмини риояи ҳуқуқҳои конститутсионии занон тадбирҳои муҳим меандешад»
Маҳмадалӣ Ватанзода бо ҳайати вакилони Думаи давлатии Маҷлиси федералии Федератсияи Русия мулоқот намуд
