Дар ноҳияи Ховалинг дар 8 гектар боғи хуч бунёд карда шуд
ХОВАЛИНГ, 01.05.2024. /АМИТ «Ховар»/. Дар семоҳаи аввали соли 2024 кормандони Муассисаи давлатии «Хоҷагии ҷангал»-и ноҳияи Ховалинг дар 8 гектар замини дохили ҷангал боғи хуч бунёд намуданд, ки он дар Ҷамоати деҳоти Шугнов ва Ҷамоати деҳоти Ҷонбахти ноҳия ҷойгир мебошад. Дар ин хусус сардори Муассисаи давлатии «Хоҷагии ҷангал» — и ноҳияи Ховалинг Наврӯз Ҳакимов ба АМИТ «Ховар» иттилоъ дод.
Бунёди боғи хуч дар асоси дастуру супоришҳои Ҳукумати Ҷумҳурии Тоҷикистон амалӣ шуда, дар баробари он боз ҳазорон бех дарахтони мевадиҳандаву ҳамешасабз шинонида шуданд. Изҳор гардид, ки дар ин давра 40 гектар ҷангалзори нав бунёд шуд, ки 5 гектари онро дарахтони чормағз ташкил медиҳанд. Инчунин дар майдони 90 гектар ҷангалзори кӯҳна барқарор гардид.
«Ҳоло дар тобеияти Хоҷагии ҷангали ноҳияи Ховалинг 105 ҳазор гектар замин мавҷуд мебошад, ки дар он беш аз 60 хоҷагии деҳқонӣ фаъолият менамояд», — гуфт директори муассиса Наврӯз Ҳакимов.
АКС: АМИТ «Ховар»
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
