Дар шаҳри Конибодом ҷаласаи сайёри Шурои ҷамъиятии Ҷумҳурии Тоҷикистон баргузор шуд

Май 25, 2024 16:09

ДУШАНБЕ, 25.05.2024 /АМИТ «Ховар»/. Ҷаласаи навбатии сайёри Шурои ҷамъиятии Ҷумҳурии Тоҷикистон якҷо бо шуроҳои ҷамъиятии вилояти Суғд, шаҳрҳои Хуҷанд, Конибодом, Истиқлол, Исфара, Истаравшан, ноҳияҳои Ашт, Деваштич, Мастчоҳ, Спитамен, Ҷаббор Расулов, Зафаробод дар шакли мизи мудаввар дар шаҳри Конибодом баргузор гардид, хабар медиҳад АМИТ «Ховар» бо истинод ба Шурои ҷамъиятии Ҷумҳурии Тоҷикистон.

Дар ҳамоиш роҳу усулҳои мубориза бо хурофоту ифротгароӣ, пешгирии гароиши наврасону ҷавонон ба ҳаракату равияҳои террористӣ, тундраву бегона ва дигар зуҳуроти номатлуб ва тавсеа бахшидани доираи фаъолияти Шурои ҷамъиятии вилоят, шаҳру ноҳияҳои гуфташуда бо назардошти вазъи кунунии ҷомеаи ҷаҳонӣ баррасӣ гардид.

Гуфта шуд, ки Ҷумҳурии Тоҷикистон имрӯз дар самти мубориза бо терроризму экстремизм давлати пешсаф эътироф гардида, дар ҳамкорӣ бо ҷомеаи ҷаҳон ба муқобили ин зуҳуроти хатарнок мубориза мебарад.

Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дин 9 марти имсол бо дахли мубориза бо зуҳуроти нангин, аз ҷумла терроризм ва экстремизм чунин гуфтанд: «Омӯзиш ва таҳлили масъала нишон медиҳад, ки барои сарнавишти минбаъдаи миллати тоҷик омили ифротишавии ҷомеа ва пайвастани шаҳрвандон ба созмонҳои террористии дорои хусусияти динӣ дар шароити кунунӣ низ ҳамчун таҳдиди ҷиддӣ боқӣ мемонад ва дар сурати пешгирӣ нагардидани ин раванд оқибати ногувор хоҳад дошт. Сохтору мақомоти дахлдори мамлакат дар асоси барномаҳо ва дигар санадҳои қабулнамудаи Созмони Милали Муттаҳид, инчунин меъёрҳои қонунгузорӣ бар зидди ин таҳдидҳо муборизаи муташаккилонаро мебаранд. Тоҷикистон имрӯз ба сифати давлати пешсаф дар ҳамкорӣ бо ҷомеаи ҷаҳонӣ ба муқобили ин зуҳуроти хатарнок мубориза мебарад. Бо вуҷуди ин ҳолатҳои ифротишавии баъзе шаҳрвандони мо ва гароиши онҳо ба созмону ҳаракатҳои террористиву экстремистӣ дар баъзе шаҳру ноҳияҳо ба назар мерасанд, ки боиси нигаронӣ аст».

АКС: Шурои ҷамъиятии Ҷумҳурии Тоҷикистон

Май 25, 2024 16:09

Хабарҳои дигари ин бахш

Пагоҳ Вазорати маориф ва илм, Маркази миллии қонунгузорӣ, Кумитаи рушди маҳал, Донишгоҳи славянии Русия ва Тоҷикистон ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор менамоянд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд