Дар Тоҷикистон ҳамкорӣ дар самти таъмини амнияти ҳастаӣ густариш меёбад
ДУШАНБЕ, 22.05.2024 /АМИТ «Ховар»/. Дар шаҳри Венаи Ҷумҳурии Австрия Конфронси байналмилалии амнияти ҳастаӣ (ICONS-2024), ки аз ҷониби Агентии байналмилалии неруи атомӣ (АБНА) ташкил гардидааст, идома дорад. Дар кори конфронс, ки 20 май оғоз гардид, ҳайати Тоҷикистон таҳти роҳбарии муовини Вазири корҳои хориҷии Ҷумҳурии Тоҷикистон Фаррух Шарифзода иштирок дорад.
Дар ин хусус ба АМИТ «Ховар» мудири шуъбаи муносибатҳои байналмилалӣ ва робита бо ҷомеаи Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Олимҷон Азизов хабар дод.
Фаррух Шарифзода дар хусуси сатҳи таъмини амнияти ҳастаӣ дар мамлакат, иқдоми Ҳукумати Ҷумҳурии Тоҷикистон таҳти роҳбарии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин самт, инчунин ҳамкории байналмилалии Ҷумҳурии Тоҷикистон бо шарикони рушд маълумоти муфассал дод.
Дар бахши дигари конфронс директори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Илҳом Мирсаидзода иштирок намуда, аз талошҳои густурдаи Ҷумҳурии Тоҷикистон баҳри таҳкими амнияти ҳастаӣ, аз ҷумла арзёбии ҳамаҷонибаи эҳтиёҷоти миллӣ, ҷалби ниҳодҳои мухталифи давлатӣ ва таҷдиди зерсохтор дар заминаи қонунгузорӣ ёдовар гардид. Инчунин доир ба насби таҷҳизоти пешрафтаи муайянкунандаи гардиши ғайриқонунии маводи ядроӣ ва радиоактивӣ дар нуқтаи гузаргоҳҳои сарҳадӣ, фурудгоҳҳои байналмилалӣ ва нақши ҳамкории судманди байналмилалӣ маълумоти муфассал пешниҳод гардид.
Гуфта шуд, ки таъсиси Маркази минтақавии таълимӣ ва омӯзишии Тоҷикистон баҳри омода намудани мутахассисон дар самти амнияти ҳастаӣ ва радиатсионӣ аз иқдоми муҳиме мебошад, ки Ҷумҳурии Тоҷикистон барои таъмини инфрасохтори мустаҳками амнияти ҳастаӣ ва эҷоди тавонмандӣ тадбирҳои зарурӣ меандешад.
Конфронси байналмилалии амнияти ҳастаӣ бо иштироки намояндагони беш аз 178 давлати аъзои Агентии байналмилалии неруи атомӣ то 24 май идома ёфта, иштирокдорон заминаи рушди истифодаи осоиштаи энергияи ҳастаӣ ва таҳкими амнияти ҷисмонӣ дар иншооти ҳастаиро мавриди баррасӣ қарор медиҳанд.
АКС: Шуъбаи муносибатҳои байналмилалӣ ва робита бо ҷомеаи Академияи миллии илмҳои Тоҷикистон
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
