Дар вилояти Суғд бахшида ба Рӯзи ҷаҳонии футбол бозии рафиқона баргузор гардид

Май 25, 2024 14:56

СУҒД, 25.05.2024 /АМИТ «Ховар»/. Бахшида ба Рӯзи ҷаҳонии футбол, ки имрӯз, 25 май таҷлил мегардад, дар байни кормандони Мақомоти иҷроияи ҳокимияти давлатии вилояти Суғд бозии рафиқона баргузор шуд. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.

Дар бозии рафиқона, ки шоми 24 май дар варзишгоҳи «20-солагии Истиқлолияти Тоҷикистон»-и шаҳри Хуҷанд доир шуд, роҳбарият ва кормандони мақомоти иҷроияи ҳокимияти давлатии вилоят иштирок намуданд.

Қабл аз оғози бозӣ Раиси вилояти Суғд Раҷаббой Аҳмадзода ба беш аз 200 кӯдаку наврас тӯб тӯҳфа намуда, онҳоро даъват кард, ки мунтазам ба варзиш ва ҳаёти солим машғул шаванд.

Ёдовар мешавем, ки 7 майи имсол Маҷмаи Умумии Созмони Милали Муттаҳид қатъномаро дар бораи эълон намудани Рӯзи ҷаҳонии футбол, ки аз ҷониби Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ пешниҳод гардида буд, қабул намуд.

Дар қатънома аҳамияти дар руҳияи сулҳ, ҳамфикрӣ, ҳамкории байналхалқӣ, дӯстӣ, таҳаммулпазирӣ ва бе ҳеҷ гуна табъиз гузаронидани чорабиниҳои бузурги варзишӣ таъкид шудааст.

АКС: Хадамоти матбуоти Раиси вилояти Суғд

Май 25, 2024 14:56

Хабарҳои дигари ин бахш

ЧЕМПИОНАТИ ОСИЁ ОИД БА КУРАШ. Паҳлавонони тоҷик дар он соҳиби панҷ медал шуданд
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад
Дар Душанбе давраи шаҳрии мусобиқаи хурди футбол барои дарёфти «Ҷоми Ҳизби Халқии Демократии Тоҷикистон» оғоз гардид
ВАРЗИШ-ҚОСИДИ СУЛҲ. Мусобиқаи варзишӣ аз намуди футболи хурд байни муассисаҳои таҳсилоти миёнаи касбии ҷумҳурӣ ҷамъбаст шуд
ҶОМИ ҶАҲОН-2026. Дастаи мунтахаби Тоҷикистон аз тими миллии Урдун мағлуб шуд
Ноиби Президенти Кумитаи миллии олимпии Тоҷикистон бо Директори генералии Шурои олимпии Осиё, Президенти Федератсияи ҷаҳонии шиноварӣ вохӯрӣ намуд
«ПАЙВАНДИ НАСЛҲО». Дар Душанбе бо собиқадорони футболи тоҷик вохӯрӣ доир гардид
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Урдун бозӣ мекунад
Сармураббии дастаи мунтахаби Тоҷикистон: «Бозӣ бо тими миллии Урдун ҳалкунанда хоҳад буд»
ҶОМИ ҶАҲОН-2026.Чиптаҳои бозии интихобӣ байни дастаҳои мунтахаби Тоҷикистон ва Покистон ба фурӯш гузошта шуданд
Шаш паҳлавони тоҷик соҳиби роҳхати Бозиҳои олимпии Париж- 2024 гардид
ФУТБОЛ. Дастаи ҷавонони Тоҷикистон (U-20) бо ҳамсолонаш аз Беларус ду бозии дӯстона анҷом медиҳад

Маводҳои таҳлилӣ